Dördüncü meymun - 2 sözaltı sözlük

Dördüncü meymun



əjdaha lazımdı   izlə   lələ   mən   googllalink

    11. 3. nəsil yazar
    əsasən musiqi və kino sahəsi üzrə entriləri ilə sözlükdə vaxtaşırı informasiya artırmağa çalışmış yazardır.
    "mən"ə girib, arxivə göz gəzdirdim, bilmədim hardan başlayım. indi başa düşürəm ki, sözlük həm də geridə qoyduğum iki ildən çox müddətin icmalını müşahidə üçün əvəzolunmazdı.
    ataya demək istədiklərimizdən heç birini deməmişəm hələ də (#180068). amma sözümə sadiq qalmışam - həmin vaxtdan bəri yaşadığım şəhəri dəyişmişəm. indi də ölkəni dəyişirəm. artıq sözlüyə də yazmaq istəmirəm. format sağ olsun, yazı vərdişimi saxlamağımda müstəsna oldu, amma artıq öz köşəmə çəkilmək, ziyarət olunmaq istəyirəm ( blogum link ).
    təkcə sözlükdə olan şeirlərimə görə narahat deyiləm. zatən şeirin müəllifinin kimliyini önəmsiz sayıram. şeir təsadüfən oxunmalıdır - deyə düşünürəm. bu səbəbdən də şeirlər kitabı çap etdirməyi doğru saymamışam heç vaxt.
    yalnızlıqdakı günlərimdə dediklərimin hələ də arxasındayam (#180959). sadəcə, daha yalnız deyiləm.
    yazarların ruh halı da eynidir, demək olar (#182194). heç nə qazanmamışam. amma heç nə də uduzmamışam. sadəcə, zövq alacaq daha çox şey olduğunu və onları əldə etməkçün çalışmağa dəydiyini anlamışam.
    gec kəşf edildiyi üçün heyfisləndirən şeylərdəki "şey"i də reallaşdırdım, qismən. piano çalmağa başladım. müvəqqəti dayandırmışam, amma davam edəcəm.
    mobil üçün darıxıram arada (#185067). həmin vaxtlardakı dostlardan heç kim qalmayıb. amma mobil elə bil heç qalmayıb. bir varlıq hələ ölməyibsə, onunçün darıxa bilmirəm mən. bir nəfərdən başqa. yuxarıdakı hər şeyi müsbətə doğru dəyişən qadından... iki gündür uzaqdadı vijdansız.

    daha çox arxivə baxmağa səbrim çatmır. onu deyirəm e... bu gün ad günümdü. ona görə belə eləyirəm. sözlük yazarlığımı da bir dövr kimi bağlayıb, yerinə başqa nələrsə doldurmaq fikrindəyəm.
    yazdığım müddətdə arada formatdan çıxsam da, qrammatik qaydalara uyğunluğa səbrim çatmadığı vaxtlar olsa da, həmişə yaxşı nələrsə vermək istəmişəm sözlüyə. sizlərdən də bunu gözləmişəm. əksərən də gözləntim puça çıxıb. istəyirəm ki, sözlük pis damğa almadan, yıxıla-dura da olsa davam eləsin.
    nəsə, gəvəzəlik eləməyim daha artıq. bu mahnını bura qoyub, gedirəm.
    (youtube: )
    12. ruhunu daşıdığım yazardır


sən də yaz!