1. 1970-ci illər böhranından sonra amerika prezidenti ronald reagan tərəfindən təklif edilmiş iqtisadi siyasət. bildiyimiz kimi keynsçilik tələb yönümlü siyasət yürüdürdülər və böyük depressiyadan çıxmaqda bu iqtisadi məktəbin böyük rolu olmuşdur. lakin bu siyasətin uzun müddət tətbiq olunması 70-ci illər böhranına səbəb oldu və 1980-ci illərdə təklif yönümlü siyasət olaraq da bilinən reaganomics adlanan iqtisadi siyasət yeridildi. dövlət xərcləri azaldıldı, təklif yönümlü siyasət olduğundan gəlir vergisini azaltmaqla sahibkarlığın inkişafına çalışıldı və staqflyasiya yaşanması səbəbindən pul təklifini sıxışdırmaqla inflyasiyanın azaldılmasına çalışıldı. siyasətin nə qədər uğurlu olmağı müzakirə mövzusu ola bilər. lakin amerikadakı 90-cı illərin yüksəlişində reaganomicsin payının da olduğu göstərilir.