tbilisi

2. Ayağımın ağrısı hələ çəkilməmiş, elə təzə qayıtmışkən yazım dedim. Buranı travel blog’a çevirdim -* Təki yazacaq səyahətlərimiz olsun. Mən sadəcə Tbilisiyə getdim. Batum açıqcası marağımı çəkmədi (əgər daha çox tarixilik görmək istəyirsinizsə birincini, əyləncə üçün isə ikincini seçə bilərsiniz). Öncəliklə, şəhərə aşiq oldum. Hətta bir az da mübaliğə edərək deyə bilərəm ki, yaşaya biləcəyim şəhərlər sırasına birini də əlavə etdim. Tam olaraq necə ifadə edim bilmirəm, amma getdiyim yerdə diqqətimi çəkən ilk şey “şəhərin ruhunun” olması, şəhərin qaynamasıdır. O yoxdursa, hər nə qədər tarixi, görkəmi möhtəşəm və s. olsun diqqətimi çəkmir. Xaricə çıxmaq şansınız olsa, ilk buradan başlaya bilərsiniz deyərdim. indi keçək işinizə yaracaq bəzi məqamlara. Nəqliyyat sistemi bizimki ilə müqayisədə daha yaxşıdır deyərdim. Avtobuslarda sıxlıq, gecikmə və s. olmur. Aeroportdan şəhərin mərkəzinə 337 nömrəli avtobus gedir (çıxan kimi görəcəksiniz onsuz, departures hissəsinin qarşısında dayanır). Metro kartı ala və ya sadəcə avtobusun içindəki aparatdan bank kartınız ilə ödəniş edib minə bilərsiniz. Metro kartı ilə gediş haqqı 1 lari, bank kartı ilə 1.5 laridir. Əgər uzun müddət qalacaqsınızsa, metro kartı almaq sərfəlidir (balansı artırıb limitsiz gedişlərdən istifadə etmək üçün). Metrodan istifadə etmədim heç, görüləcək yerlər yaxın olduğu üçün piyada gəzmək olar şəhəri (uzaq yerlərə də ayaqla getmək içimdən gəldi -*). Taksi qiymətləri (bolt, yango və s) su qiymətinədir. Amma önəmli məqam budur ki, yerli sim kartınız olmadan bu proqramlardan taksi çağıra bilmirsiniz. Valyuta, sim kart. Bank kartları demək olar ki, hər yerdə keçir. Amma hər ehtimala özünüzlə az miqdarda nağd pul gətirin. Çünki bəzi restoran, marketlərdə (kiçik) nağd pul qəbul edirdilər ancaq. Aeroportla şəhər mərkəzi arasında elə də böyük fərq olmadığı üçün pulunuzu aeroportda çevirin. Sim kartı da yenə buradan alın.Cellfie adlı mobil operator var, sərfəli paketləri olur (14 günə limitsiz internet, danışıq dəqiqləri kimi). Sadəcə 20 lariyə. Hostel işini standart proqramlar (booking, hostelworld, airbnb) həll edə bilərsiniz. Mərkəzdəki bəzi hostellərin qiyməti məni təəccübləndirəcək dərəcədə aşağı idi. Gəzinti/ yemək. Açıqcası, Gürcüstan deyəndə ağlıla gələn şeylər (xəngəl, xaçapuri, şərab və s) xaricində fərqli nəsə yoxlamadım. Gəzinti üçün qısa yol planımı paylaşım, bəlkə faydalı olar. 337 nömrəli avtobus ilə Academy of Science dayanacağında düşüb sıra ilə qeyd etdiyim yerlərə gedə bilərsiniz.

Kartlis Deda, Narikalaya funkliyorla qalxmaq olur (mən ayaqla qalxmışdım). Düşərkən mütləq piyada düşün, çünki mənzərəni görməyiniz lazımdır. Restoran, kafe olaraq yemək üçün- Sabatono, Cafe Daphna, çay, kofe- Linville, gecə ortam, əyləncə üçün isə Fabrika Hostel, ya da Shardeni küçəsində publara gedə bilərsiniz. Əhali. Nədənsə gürcü xalqı haqqında çox vaxt xoş olmayan şeylər deyirdilər. Amma mən hər hansı mənfi hərəkətlə rastlaşmadım. Əksinə, uşaqdan böyüyə yardım etməyə çalışırdılar. Özümlə ancaq qısa yay paltarları gətirmişdim. Anidən yağış falan başladı. Çölə çıxacaqdım, hostel sahibi qadın qalın jaket falan verdi -* Hətta hosteldə qeydiyyat zamanı azərbaycanlı olduğumu bilən kimi türkcə danışmağa başladı (türk müştəriləri çox imiş, onlardan öyrənib). Şəhərin demək olar, hər yanında polislər var (gecə saatlarında belə). Turistlərə qarşı diqqətli idilər, yol falan soruşanda ötürməyi belə təklif etdilər. Xidmət sektoru bərbaddır. işçilər heç gülərüz deyillər, ingiliscə danışanda başa düşsələr də, bəziləri inadla rusca danışırlar sizinlə. Gəncləri çox aktivdirlər. Ümumiyyətlə, gecə həyatları belə Avropada gördüyümün çox üstündə idi. Şəhər “qaynayırdı”. Şansınız varsa, gəzin, görün buranı da

3. xəmir əksikliyi çəkən hərkəsin mütləq mualicə olmaq üçün ziyarət etməli olduğu şəhər. * glş zarafat bu yana bu qədər yaxında olub da, bugünə qədər heç getmədiyim üçün təəssüfləndim. gənc nəsil üzünü qətiyətlə avropaya dönüb, türklərlə münasibətləri artıb, turistlərə qarşı yardımsevər davranırlar. orta yaş üstü nəsil isə sanki xarici adam görəndə donuz sikmişə dönür. çox da ciddiyə almamaq lazımdır, zamanla yox olub gedəcəklər.

mətbəxləri əslində çox kasıbdır, ancaq bu 3-5 yemək növünü də haqqıyla hazırlayan yerlərdə yeyəndə babat ləzzətli olur. şərabları əlbəttə ki yaxşıdır, ancaq mənim əzizim chacha dedikləri bir içki oldu, orjinalı @ üstü zəhərvari üzüm brendisi sayılır. çox da qədim tarixi olduğunu sanmıram, ancaq feyxoalı variantı içimi yumuşaq və ləzzətli gəldiyi üçün * oyş xeyli içdim, yanımda da gətirdim.

təəccübləndiyim bir başqa məqamsa, tiflisdəki azərbaycanlı sayısı oldu. köhnə tiflisdə cümə məscidi ətrafında, botanik parkına yaxın bir müsəlman məhəlləsi var ki, deyəbilərəm orada ən eleqant məhəllə sayılır. buradaki azərbaycanlılar gürcülərlə yaxşı keçinir, bunlardan əlavə azərbaycandan və irandan da xeyli azərbaycanlı gəlib burada bizneslə məşğul olur.

tiflis xarici biryerlər görək deyəndə kazbek dağı nı məsləhət gördülər və turla getdik. qafqazın uca zirvələri, perevallı yolları, ucsuz bucaqsız sıldırım qayalıqlarda insanın gözünün qabağında qarların əriyib şəlaləyə dönməsini görmək maraqlı gəlir. ancaq belə mərdimazar bir vəziyət var ki, bu 2 zolaqlı yol gürcüstanı rusiya ilə birləşdirən tək aktfiv yoldur. o perevallarda olmaya ki qabağına tırlar çıxmasın, probkadan başını qaldırmaq olmur. hələ işin bədbəxt vəziyəti odur ki digər əziz qonşumuz ermənistanın da rüsiya ilə olan quru əlaqəsi yenə helə bu yol imiş.

tbilisi

Yalnız deyilsən!

Yalnız deyilsən!

Yalnız deyilsən!