1. sosial fobiyanın daha irəliləmiş, şəxsiyyət pozğunluğuna çatmış halıdır. cəmiyyət içində haqlarında mənfi sözlər deyilməsindən qorxan, utancaq, çəkingən, kənardan necə göründüklərini normadan qat-qat artıq düşünən insanlardır. ən kiçik şeylərdə belə səhv bir hərəkət etməkdən qorxarlar, əlləri tərləyər, üzləri qızarar və bunları bəlli etməkdən də qorxarlar, həyəcan keçirərlər.
tənqid olunmaqdan, bəyənilməməkdən qorxduqları üçün sosiallaşmaqdan qaçar bu insanlar. sevildiyindən əmin olmadan insanlarla əlaqəyə girmək istəməz, asan asan güvənməzlər. nə vaxtsa məzxərə obyekti olmaqdan qorxduqları üçün çox az şey paylaşarlar. natamamlıq kompleksi də olur bu insanlarda. yeni insanlarla tanış olduqda bir müddət susar, ətrafındakıları kəşf edərlər. cəmiyyət içində özünü bacarıqsız, başqalarından aşağı görərlər.