1. Google ötən həftə musiqisevərlər üçün hazırladığı yeni bir xidməti istifadəyə verdi: Musiqi Zaman Tuneli. Google araşdırma qrupu tərəfindən hazırlanan interaktiv zaman cədvəli, Google Play istifadəçilərinin arxivlərində olan mahnı və albomları analiz edərək musiqi növlərinin müəyyən zaman içindəki populyarlıq səviyyələrini göstərir. Hər bir lent (rəng) bir musiqi növünə bərabərdir və lentin qalınlığı o musiqi növünün populyarlığını göstərir. Zaman сədvəli üzərindəki yazılara klikləyərək detallara göz gəzdirmək mümkündür.

Klassik musiqi cədvəl xaricində tutulub, amma caz, rok və pop kimi əsas musiqi axınları qrafikdə detallı bir şəkildə iştirak edir. 1950-ci ildən başlayıb günümüzə qədər uzanan cədvəldə, hansı növlərin hansı zaman aralıqlarında məşhur olduğunu görmək olur. Əsas musiqi axın növlərin yanında country, folk, metal, hip-hop, world music və reggae/ska kimi müəyyən bir zamanda partlayış yaşayan və zaman içində məşhurluğunu itirən bir çox musiqi növü də cədvəldədir. Bundan başqa, siz lent içində gəzişərkən maraqlandığınız musiqi növünə aid ən məşhur albomlar da ekranın aşağı hissəsində göstərilir.
keçid: http://bit.ly/1mahZfo