1. orta italyada arrezo rayonuna bağlı siena ilə sərhəddə yerləşən təsadüfən tanış olduğum kiçik bir qəsəbə.
yaxınlıqda yerləşən sinalunga qəsəbəsində bir neçə saatlıq işim var idi. təsadüfən orada otel tapa bilmədiyim üçün yaxınlıqdaki lucignano qəsəbəsindən otel ayırtmaq qərarına gəldim. çıxan otellərin çoxu qədim daş villalardan sonradan otelə çevrilmiş geniş əraziləri olan farmhotel konseptli yerlər idi. otelə üzüm bağlarının və gözəl, təmiz düzəldilmiş yolların arasından keçərək çatdıq. 80 yaşlarından yaşlı bir nənə , onun 45-50 yaşlarında qızı və onun da 20-25 yaşlarından güc betər ingiliscə bilən qızı bizi qarşıladı. baxdıq villada hər cür şərait var, ancaq yeməyə iki tikə çörək yoxdu, dedik 'bizə göstərin görək ən yaxın market hardadı?' . bir təhər yolu göstərdi kiçik xanım, beləcə lucignanoya gəlib çıxdıq. təsəvvür edin ki üzüm bağları ilə çevrələnmiş ovanın ortasında bir təpə və təpədə qala divarları ilə çevrələnmiş 4000 sakinli orta əsr qəsəbəsi. necə var elə də qorunub, ətrafında heç bir yeni tikinti aparılmayıb, içindəki binalar da min il əvvəl incə memarlıq üslubunda tikilib və bu günə qədər əslinə uyğun şəkildə qorunub saxlanıb. qəsəbənin içində nəqliyat qəti qadağandır, təmizlik yüksək saviyədə təşkil olunub. içəridə əsasən gözəl, köklü restoranlar, şərab dükanları, zeytunyağı dükanlarını görmək olur. roma tərəflərinə yolu düşən təmiz təbiət, tarix və sakitlik axtaran suserlərimizə buranı şiddətlə tövsiyə edərdim. parmesan pendiri, təmiz zeytun yağı, pomidor, çörək və qırmızı şərab kombinasyonu bəs edər adama.