+38 əjdaha
1. hansısa görülməsi gərəkilən şeyi, vəzifəni, işi bitirə bilməməkdir.həyatını belə yaşayan insanlar var. bitirə bilmədən. hədəfə gedən bütün ilkin addımları möhtəşəm formada atıb ama bitirə bilməyən insanlar var. ya da bəlkə də bitirmək istəməyən insanlar. bir xəyalı, bir planı, disiplin halına salınaraq bitirliməsi gərəkilən istənilən vəzifəni, bir universiteti, bir oyunu, bir kitabı, filmi, musiqini, şeiri yazıb bitirə bilməyən insanlar. bəzən istəsə də bitirə bilməyən insanlar var. bədənində bir şeylərin tərs getdiyi insanlar var. fiziologiyaları bu həyata uyğun formalaşmamış təkamülün zəif genləri ya da yeri səhv düşmüş başqa bir dünyanın güclü insanları.
bitirmə gücünü itirmiş insanlar, ya da bitirmə istəyini. bütün bitirəbilməməzliyin acığını həyatını bitirərək verməyi planlayan insanlar. gizlicə planlayırlar, özlərindən belə gizlin. bir şeyləri bitirə bildiyini hər kəsdən əvvəl özünə sübut etmək üçün canına qəsd edəcək insanlar.
bitirici və bitirəbilməyənlər asanca ayırd edilə biləcək formadadırlar. bütün işləri qaydasında bitirib hədəfə doğru gedən təkamülün möhtəşəm geni olan planlı və ciddi insanlar, onlar bitirici olanlardır.
bir şəkildə mutasiya baş vermiş ya da öhtəsinə düşən fizioloji məsuliyyəti təkamül qarşısında möhtəşəm bir əsalətlə rədd edən, bitirəbilməyən ya da bitirmək istəməyənlər isə sanki dişi partnyoruyla cütləşməni müvəffəqiyyətlə yerinə yetirməyən ya da yetirə bilməyən - istəməyən - canlını, yorğun pələngi, ya da bəlkə də vecsiz pələngi xatırladırlar. dibə enərək insanın və həyatının toxumunun atılma mərhələsinə göz atsaq əgər, spermin mütləq fertilizasiya çataraq müvəffəqiyyətlə öz vəzifəsini bitirməsi lazım olduğunu görəcik. və bu da bitiriciliyin ən müqəddəs və bilinən ən vacib xüsusiyyət olması gərəkdiyini göstərəcəkdir. əsas nəticədir. deyir ana təbiət. bir gün bir əhvli kef insan isə ona baş qaldıraraq əsas prosesdir deyir, nəticə yox. əsas prosessdən zövq almaqdır. sevişmək bəlkə də bunun ən müqəddəs göstəricisi deyilmi? gen artımı üzərinə proqramlanmış insan, əsas məqsədi doğum olan cütləşmə prosessini təbiət qarşısında öz xeyrinə çevirərək sevişmə prosesindən zövq alaraq və cütləşmə məqsədini nəsil artımından zövq alma işinə caydıraraq tənbiətdən ən böyük intiqamını alırdı bəlkə də. nəticədə o, bitirəbilməyən olmamış olurdu, bitirmək istəməyən və prosesdən zövq alan olmuş olurdu. əsas çayın hara töküləcəyi deyil, əsas çayın axmasıdır, o suyun axma prosesidir. çaya baxarkən insana zövq verən onun axım prosesidir, hara töküləcəyi yox. varlığının gələcəkdə hansı nöqtədə olacağı deyil məsələ, əsas o anki prosesdir. varlığını sürdürməkdə olduğun o anki prosses. bitirmək zorunda deyilsən. bu yazını bitirmək zorunda deyilsən.