iri şirkətlərdəki gizli qəhrəmanlar

1. etdikləri qəhrəmanlıqlar ilk baxışda nəzərə çarpmayan orta və aşağı vəzifəli şəxslərdir. adətən çox nəhəng yavaş reaksiya verən şirkətlərdə işləyirlər. şirkətin adətən bütün işçiləri sözdə iş çoxluğundan şikayətlənməklə, əlavə iş saatlarına qalaraq şirkət üçün fədakarlıq etdiklərini hamının gözünə soxmağa çalışarlar. ancaq ümumilikdə görülən işə baxdıqda adamın "sən mənim canım, artıq işləyib poxu poxa qatma" deyəsi gəlir. lakin entrymin mövzusu olan gizli fədakarlar heç də diqqət mərkəzində olmurlar. heç də şikayət etmirlər. səliqəli sərrast işləri digər işçilərin görəcəyi işin miqdarını nəzərə çarpacaq qədər azaldır. məsələn bir neçə sənədi skanerdən keçirib pdf-faylı şəklində başqa bölməyə göndərmək lazımdır. bəzi mühəndislər sənədləri topa şəklində skanerə qoyur bir başa email adresimə göndərir. bəziləri isə hissə-hissə bölür. hər bir sənədin adını başa düşüləcək bir şeyə çevirir. lazımdırsa açıqlayıcı mail yazır və s. ardınca da xoş gün arzulayır. ilk variant mənə əlavə yarım saat iş yaradır. ancaq ikinci variantda hər şeyi birbaşa işlətməyə başlaya bilərəm. mənə elə gəlir ki, eyni şeyi kodunu bolca şərhlərlə dolduran proqramçı haqda da demək olar. təmbəl olmayaq, dostlar.
hörmətlə, qatıq.

2. tezliklə kütləvi nəşrə veriləcək sənayenilənmə əsərində bu qəhrəmanlardan biri bədiiləşdirilmiş şəkildə təqdim edilir

3. bunun biraz ağını çıxarmış versiyası mənəm. hər zaman tələb olunan işləri məntiqli və məntiqsiz olaraq ikiyə ayırıram. məntiqsizləri görmürəm. məntiqliləri gecikdirmirəm. bəzən məndən tələb olunmasa da, çox kritik bir məsələdə tez tərpənib problem yaranmamış qarşısını alıram. ortada yaranmış problem olmadığı üçün heç kim cəhdimi qiymətləndirmir. dünya fırlanır. mən görülməyən lazımsız işə görə məni danlayan rəhbərin üzünə baxıb içimdən gülümsəyirəm.

iri şirkətlərdəki gizli qəhrəmanlar

Yalnız deyilsən!