inditex

1. (baxma: industria de diseño textil)
hal-hazırda dünyanın ən məşhur moda şirkətlərindən biridir. zara, zara home, massimo dutti, bershka, oysho, pull and bear, stradivarius and uterqüe kimi markaların hamısı inditexin markalarıdır. ilk olaraq işə zara ilə başladılar və hələ də şirkətin ən güclü markası zara olmasına baxmayaraq, ildən-ilə şirkət öz rəqiblərini özü yaratdı. yəni, hal-hazırda zaranın rəqibi olan marka elə yenə inditexin bir məhsuludur. əslində bu markaların aralarında bir əlaqə olduğunu anlamaq çox daçətin deyil. çünki, diqqət etsəniz harada bu markalardan birinin mağazası açılsa, qısa bir müddətdə ətrafında da mütləq digər markaların mağazaları fəaliyyətə başlayır.
əslində şirkətin markalarının hamısı bir təbəqəyə xitab edir. misal üçün:
pull and bear və bershak orta və üst təbəqə ilə birlikdə əsasən cavanlar üçün geyimlər hazırlayır, zara əsasən üst təbəqə üçündür və geyimləri daha çox ciddi üslubdadır, iş həyatında olan insanlara xitab edir, stradivarius sırf qadınlara xitab edir, massimo dutti və üterque bir növ şirkətin sırf üst təbəqə üçün yaratdığı 2 markadır.
son olaraq qeyd edim ki, bu keyfiyyəti yüksək olmayan, uzunömürlü olmayan geyimləri bu şirkət gözəl marketinq sayəsində məşhurlaşdırdı. yəni, bu paltarlar niyə günü-gündən daha da tez cırılır deyə fikirləşirsizsə bu üslubun banisi inditexdir.

2. sahibi amancio ortega dünyanın hal-hazırdaki ən varlı adamıdı.bu uğurda fast fashion söhbətinin əvəzsiz rolu var böyük ehtimal ki.var bahalı, lux markalar hansı ki ancaq varlılar ala bilir, zara və törəmələri isə bu markaların ən son çıxan modellərini kopyalayaraq, daha doğrusu biraz dəyişərək satışa çıxarır,lux brendlər adətən ildə 2-3 dəfə kolleksiya çıxarırlarsa, bu tip mağazalarda ayda 2 dəfə asılqanların dəyişdiyini, yeni məhsullarla əvəzləndiyin görmək mümkündür. beləliklə həvəskar ama şmotkaya dünyanın pulunu tökməyən insanlar da trendi izləyir, əldə edir. əks proses də baş verir, zara və s kimi markaların daha lux brendlərə nəzərən çeşid bolluğu, sırada gözləmədən (bir çox lux markaların əşyaları üçün aylar öncədən sıraya yazılmaq lazımdı) əldə etmə rahatlığına görə ultra varlılar da bu tip markalara yönəlir, və çox da inandırı olmasa da, guya təbəqələr arasındaki fərq ortadan qalxır. ispaniya və italiyada 5-6 mərtəbəlik və digər ölkələrdən çox böyük qiymət fərqiylə seçilən mağazalarıyla insanı şoka salan şirkət qrupu.bakı şəhərində isə sadəcə zaradan 3, digər mağazalardan isə 2 dənə var.
ps: bir entrydə neçə dəfə zara deyə bilərsən?

inditex

Yalnız deyilsən!

Yalnız deyilsən!