1. əqidəsinə və ya dünyagörüşünə görə hərbi xidmətə getmək istəməyənlər üçün hərbi xidmət əvəzi mükəlləfiyyət. azərbaycanda 1992-ci ildə qəbul olunan "hərbi xidmətə çağırışın əsasları haqqında" qanunda alternativ xidmət haqqında maddə yer alsa da, eləcə də həmin ildə xalq cəbhəsi höküməti prezidenti ə.elçibəy tərəfindən qəbul edilən "alternativ xidmət haqqında" qanun sonralar müxtəlif səbəblərdən ləğv edildi və alternativ xidmət haqqında bütün maddələr çıxarıldı. 1995-ci ildə qəbul olunan konstitusiyanın 76. maddəsinin 2-ci. bəndində hərbi xidmətin alternativ xidmətlə əvəz edilməsinin mümkünlüyü qeyd edilsə də bu maddəni icra edən bir qanun hələ də qəbul edilməyib. eləcə də azərbaycan avropa şurasına üzv olarkən qəbul etdiyi öhdəliklərə görə alternativ xidməti və vicdani rəddi qəbul etməli idi. halhazırda hərbi xidmətə getməkdən imtina etmək və ya konstitusiyadaki maddəni ələ alaraq alternativ xidmət tələb etmək şəxsin 3 ilə qədər həbsi ilə nəticələnir.