1. souls oyun seriyası və bloodborne-un arxasında olan beyin, from software-in prezidentidir. deyilənə görə uşaq vaxt ailəsi çox kasıb olub. kitab oxumaq həvəsi olmasına baxmayaraq imkansızlıqdan çox kitab oxuya bilməyib. bunun əvəzində əlinə keçən hər şeyi oxuyub. uşaq ağlı ilə oxuduğu kitabların anlamadığı hissələrinə öz təxəyyülü ilə şərh verib və hekayə ilə əlaqəsi olmayan şeylər yaradaraq əylənib. illər sonra from software-də çalışmağa başlayıb. bir müddət sonra batırmaq üzrə olan demon's souls oyununu qurtarmaq üçün lahiyənin başına gətrilib və əfsanə seriyanı yaradıb. oyunun ssenarisini də özünün bildiyi kimi boşluqlarla yazıb. souls oyunlarının hamısında hekayələr qəribədir. nə qədər axtarsanız o qədər taparsınız. qalanı da sizin xəyal dünyanıza qalıb. özünün də dediyi kimi mükəmməl dizayn olunmuş oyun dünyası öz hekayəsini sükut içində söyləyə bilər.