viktor ern



əjdaha lazımdı   izlə   lələ   mən   googllalink

    1. ikinci Dünya Müharibəsi zamanı alman ordusunda sualtıqayıq komandiri olmuş zabit və Adolf Hitlerin şəxsən tanıdığı, hörmət etdiyi gədəbəyli. Bəli Ern Azərbaycanda, Gədəbəydə alman ailəsində anadan olub. Qafqazdan çıxmış ən samballı almandır. Haqqında yazılan yazıların birində deyilir:

    Üçüncü Reyx donanmasının əsas sualtı qayıq komandirlərindən biri olan Viktor Ern 1907-ci ildə Gədəbəydə alman ailəsində anadan olmuşdur. Atası Gədəbəydə yerləşən “Simens qardaşları və Co”nun direktoru vəzifəsində işləyirdi. Ern uşaqlığı haqda deyirdi : “Mənim valideynlərimin evində milli, irqi və dini cəhətdən bir-birindən fərqlənən çoxlu sayda insanlar yaşayırdı. Mənim ilk müəllimim Mile adlı fransız qadın idi. Bizim aşpaz və xidmətçilərimiz ermənilər, sürücü və digər qadın işlərində kömək edənlər ruslar idi. Bağbanlar və gözətçilər isə Tərtərdən idilər.

    1921-ci ildə ailə bolşevik təhlükəsi səbəbindən Almaniyaya köçür və bundan sonra Ernin zabit kimi Üçüncü Reyx ordusunda xidmət etməsinin yolu açılır. 1929-cu ildə leytenant rütbəsi alır və elə həmin il “Keniqsberq” və “Karlsrue” adlı yüngül kreyserlərdə xidmət keçir. 1935-ci ilin iyulunda sualtı qayıq donanmasına köçürülən ilk dəniz zabitlərindən biri olub. 1936-cı il 18 yanvar tarixindən 1937-ci il 4 oktyabr tarixinədəl U-14 sualtı qayığına rəhbərlik etmiş, 1936-cı ilin iyul-sentyabr aylarında ispaniya sahillərində olan hərbi əməliyyatlarda iştirak etmişdir.

    Üçüncü Reyxin donanmasında sualtı qayığın komandiri olan Viktor Ern Norveç sahillərində Almaniya ilə müharibə aparan ölkələrin 10 dan çox gəmisini batırıb. ikinci əməliyyat zamanı isə 7 gəmini batıraraq ingilis və fransız donanmasına güclü zərbə endirir. Müharibə illərində müttəfiqlərin ümumilikdə 26 gəmisini batıran Viktor Ern daha 24 gəmini zədələməklə sıradan çıxarıb. Bütün bu xidmətlərə görə Ern 1940-cı ilin 21 oktyabrında “Dəmir xaç” ordeni ilə təltif edilmişdir.

    Sonrakı illərdə Aralıq dənizindəki sualtı qayıqların koordinasıyasına rəhbərliyi həyata keçirən donanma zabiti 1942-ci ilin iyulunda Şimali Afrikadakı ezamiyyəti zamanı ağır yaralanaraq Britaniya hərbçilərinə əsir düşür. Yaralı Viktor sağaldıqdan sonra Misirdəki hərbi düşərgəyə göndərilir. 1943-cü ildə isə hərbi əsir kimi dəyişdirilərək Almaniyaya gətirilir. Elə həmin il admiral qərargahının 1-ci zabiti kimi xidmətini davam etdirmiş 1945-ci ilin mayında yenidən Britaniya hərbçilərinə əsir düşür.

    Bir neçə ildən sonra əsirlikdən azad edilən Viktor Ern müharibədən sonra “Siemens” şirkətində çalışmağa başlayır. Eyni zamanda Bonnda yüksək vəzifədə işləyir. Qeyri-rəsmi məlumatlara görə müharibədən sonra bir necə dəfə doğulduğu Gədəbəy rayonunu ziyarət edib.


sən də yaz!