Sözaltı Sözlük - Azərbaycandilli Fikir Ensiklopediyası

+11 əjdaha

1. keçmişdə uşaqlar arasında geniş yayılmış oyun(1960-1970 dən bu yana oynanılmayıb yəqin) , qoyunun diz sümüyü təmizlənir zər kimi atılırdı. sümük düşəndə dediyin tərzdə düşürdüsə udurdun əks halda uduzmuş sayılırsan.

+4 əjdaha

2. m.f.axundzadənin sərgüzəşti-mərdi xəsis pyesində tükəz xanımın hacı qaraya uşaq aşıq yığan kimi, bu qədər pulu nə edəcəksən ? deyərkən nəzərdə tutduğu oyunun predmeti ...

+3 əjdaha

3. 90cı illərdə hətta 2 minlərin başında bizim məhəllədə oynanırdı. hələ də nostalgiya yaşamaq istəyən uşaqların oynadığını görürəm. biz oynayanda əsasən kiçik baş heyvanların oynaq sümüyü ilə oynayırdıq ki buna aşıq deyilir. bir neçə aşığın varsa bunlardan birini lider seçməlisən. bu seçdiyin əsasən iri, gözəgəlimli hətta boyayla filan rənglənmiş olur və ona saqqa deyilir. oyunun 2 növü var sadə və qala. sadədə iki və daha artıq oyunçu oynayıb bir birinin aşığını vurmağa çalışır. aşığı atmaq üçün bir şansın var əgər atdığın aşıq böyrü üstə düşsə ki buna ələş deyilir sənə ikinci şans verilir. vurulan aşıqla vuran aşıq eyni formada dayandıqları təqdirdə vurulan yaxud onun əvəzinə başqa aşıq rəqibə verilir. qala oynunda iştirakçı məhdudiyyəti yoxdu. hərə bir aşığı ortaya qoyur bunlar bir birinə bitişik qala kimi olur. sonra oyunçular kənara çəkilib saqqaların yerə atırlar, saqqası ələş düşən oyunçu qalaya vurmağa yaxud rəqiblərin yerdəki saqqalarına vurmağa haqq qazanır. vurulan aşıqla saqqa eyni tərəf üstə düşsə vuran oyunçu o aşığı mənimsəyir. rəqibin saqqasını vura bilsən onun qalaya qoyduğu aşıqları vurmamış götürə bilərsən. bir də aşığın bir növü var ki onu tez ələş dursun deyə böyrünü divara filan sürtüb düzləşdirirlər bu növ aşıqlar saqqa ola bilməz və onlara sürtük deyilir. çox sevdiyim oyun idi hətta bir 3 kq-lıq balonla dolu aşığım da olub vaxtı ilə.

aşıq oyunu