nocturnal animals



əjdaha lazımdı   izlə   lələ   mən   googllalink

    1. 2016-cı il istehsalı amy adams-ın və Jake Gyllenhaal-ın baş rolda olduğu tom ford filmi. Psixoloji-dram janrında olan film bu janrda mulholland drive-dan sonra ən yaxşı filmdir.

    --spoiler--

    Film haqqında heç nə oxumadım və adını da ilk dəfə yts.ag saytında populyar olan yükləmələr hissəsində gördüm. amy adams-ın olduğunu gördüm və izləmək qərarına gəldim. açılış səhnəsində qusmaq həddinə çatsam da birtəhər dözdüm. Amy adams-ın cəlbediciliyi ilə insan filmin içinə girmək istəyir. əvvəlcə onu deyim ki, qlamur həyat və onun iyrənc, murdar tərəfləri mulholland drive-dan sonra ən gözəl şəkildə göstərilib. Ehtirasa, bir anlıq həvəsə görə edilən hərəkətin fəsadları yəqin ki, bu qədər gözəl izah oluna bilməzdi. filmdə susan bir səhnədə ilk ərinə (edward-a) onun zəif olduğunu, yazdığı romanın içinə girdiyini deyir. bu da o demək olur ki, filmdə bizə çatdırılan romanda yəni tony-nin arvadına və qızına təcavüz edildiyi romanın bizə sinematik şəkildə çatdırılmasında birbaşa edward-ın oynaması təsadüfi deyildi. roman vasitəsilə edward, susan-a onu sevdiyini amma susan-ın onu öldürdüyünü deyir. Edward-ın romanında olan qatillər sadəcə bir simvol idi, qatillərin biri susan, digəri susan-ın anası və digəri isə susan-ın sevgilisi idi. Polis isə tony-nin nifrəti idi. Qətlin araşdırılması zamanı qatillərin biri ölmüşdü çünki bu zaman artıq 10 il keçmişdi (romanda) və susan-ın anası bu arada ölmüşdü. Əsas qatilin yəni susan-ın romandakı obrazını öldürən zaman tony özünü də öldürür çünki edward hələ də susan-ı sevirdi və nə qədər nifrət etsə də onun olmamasına dözə bilmirdi. və sonda susan ilə görüşə gəlməməsi də edward-ın susan-dan aldığı intiqam idi. son səhnəyə kimi susan romanı başa düşməmişdi elə bilirdi ki, sadəcə romandır amma filmin sonunda yəni qapanış səhnəsində susan-ın üz ifadəsi, susan-ın hər şeyi başa düşməsi kimi başa düşülə bilər.
    Amy adams rolunun haqqını verib. onun bu qədər gözəl və cəlbedici olduğunu bilmirdim.
    Jake Gyllenhaal isə əsl zəif, cılız insan obrazını yarada bilib.

    --spoiler--

    Xal: 9/10 - məncə 2016-cı ilin ən yaxşı filmlərindən biridir.
    2. Austin wrightın Tony və Susan adlı əsərinin ekranizasiyası olan film. Axıra kimi gözləyirsən filmi triller falan zənn edirsən. Aha indi nəsə olacaq, hop deyib sağı göstərib solu vuracaqlar düşünürsən ancaq çifayda. Film sadəcə bir dramadır.

    --spoiler--

    Baş rolda onu zəif insan və istedadsız yazıçı kimi gördüyü üçün arvadı tərəfindən tərk edilən bir ər var. Adam illər sonra yeni əsərini oxuyub dəyərləndirməsi üçün keçmiş arvadına göndərir. Qadın əsəri oxuyur və başa düşür ki, roman alleqorik xarakter daşıyır. Yəni əslində əsərdəki hadisələr qadının keçmiş əri ilə yaşadığılarına dair bir işarədir. Əsərdən çox təsirlənən qadın, keçmiş ərinə mesaj yazır və görüşmək istədiyini deyir. Əri də məmuniyyətlə razılaşır. Lakin, görüşə gəlmir. Qadın restoranda tək qalır. Adam həm istedadsız yazıçı, həm də yenidən qadının ayağına gəlməyəcək qədər zəif biri olmadığını sübut edərək öz aləmində keçmiş arvadından intiqam alır.

    --spoiler--


sən də yaz!