ikinci yekaterina



əjdaha lazımdı   izlə   lələ   mən   googllalink

    1. Əsl adı Sophie Auguste Friederike olan, 1762-1796-cı illər arasında Rusiyanı idarə etmiş və "velikaya" adını almış imperatriça.

    Yekaterina 1729-cu ildə prussiyada anadan olub. 1744-cü ildə Rusiya çariçası yelizaveta petrovnanın dəvəti ilə sankt - peterburqa gəlib, taxtın varisi pyotrla nişanlanmışdı. Provaslavlığı qəbul etdikdən sonra adı dəyişdirilib Yekaterina alekseyevna qoyulub.
    Gözlənilənin əksinə pyotrla evlilik uğursuz alındı. Pyotr arvadına heç bir maraq göstərmirdi və demək olar ki, vaxtını oyuncaq əsgərlərlə oynamaqla keçirirdi. Hətta Yekaterina bir neçə il bakirə olaraq qalır. Uzun müddətdən sonra yaxınlıq baş tutur və cütlüyün pavel adlı oğlu dünyaya gəlir. Lakin, həmin ərəfədə Yekaterina saltıkov adlı biri ilə münasibətdə idi. Ona görə də pavelin pyotrun oğlu olmadığına dair şailər gəzirdi. Yekaterina bu şübhəni gələcəkdə oğlu pavelə qarşı istifadə edirdi. Belə ki, ana ilə oğul bir-birini sevmirdi. Anası da deyirdi ki, çox oyan buyan eləsən sənin romanovlar sülaləsindən olmadığını deyəcəm, taxta olan haqqını itirəcəksən.
    1762-ci ildə çariça yelizaveta ölür, yerinə Pyotr imperator olur. 3-cü Pyotr Rusiyanı geridə qalmış, barbar bir dövlət kimi görürdü. Ruslara aid olan hər şeyə nifrət edirdi. Əvəzində isə Almaniyaya simpatiya bəsləyirdi. Prinsipial olaraq hər kəslə almanca danışır, rus əsgərlərini alman ordusunun formasını geyindirir. Rusiyanın prussiya ilə müharibədən qalib olaraq çıxmasına baxmayaraq Pyotr prussiya ilə əlverişsiz müqavilə imzalayır. Qalibiyyət nəticəsində alınan torpaqlar yenidən almanlara qaytarılır. Nəticə olaraq xalq arasında pyotra qarşı nifrət yaranır. Bütün bu narazılıqların fonunda artıq çoxdan rus dilini və mentalitetini mənimsəmiş Yekaterina hər kəsin sevgisini qazanır. Həmin vaxt pyotrun artıq sevimli məşuqəsi var idi. Yekaterinanı monastıra göndərib, məşuqəsi ilə evlənməyi düşünürdü. Lakin Yekaterina daha tez davranır. Sevgilisi qriqori Orlov və digər Orlov qardaşlarının köməyi ilə saray çevrilişi edib hakimiyyəti ələ keçirdir. Pyotr əvvəlcə həbs olunur sonra isə aleksey Orlov tərəfindən öldürülür. Pyotrun rəsmi ölüm səbəbi babasil göstərilir. Beləcə Yekaterina Rusiya taxtına heç bir qanuni haqqı olmasına baxmayaraq çariça olur.

    Yekaterina hakimiyyəti ərzində özünü 1-ci pyotra bənzətməyə çalışır. Bir sıra islahatlar keçirir, kilsənin torpaqlarını müsadirə edir, keşişlərin siyasətə olan təsirini minimuma endirir. Osmanlı ilə iki qalibiyyətli müharibə aparır. Bütünlüklə Krımı, Polşa və Qafqazın bir hissəsini Rusiyaya qatır. Lakin, yekaterina dönəminin mənfi tərəfləri də az deyildi. Bunlardan da ən böyüyü Təhkimçi kəndlilərə olan münasibət idi. Çariça nəinki təhkimçiliyi ləğv etmədi, əksinə hər çıxan qanun ilə kəndlilərin hüquqları daha da azalırdı. Sahibkarın kəndlini bir tək öldürmək haqqı yox idi. Hərçənd çox vaxt törədilən qətl belə görməzdən gəlinirdi. Yəni bir növ kəndlilərin abş-dakı zəncilərdən fərqi yox idi.
    Həmçinin Yekaterina həddindən artıq israfçı idi. Ölkə büdcəsinin 12%-i sadəcə saraya xərclənirdi. Sevgililərinə və saraydakı tərəfdaşlarına sərf etdiyi pullar o qədər çox idi ki, həyatının sonlarına yaxın Rusiyanın xarici borcu bir neçə dəfə artmışdı.
    Çariçanın ümumilikdə 21 sevgilisi olub. Bunlardan ikisi qriqori Orlov və qriqori potemkin Yekaterinanın həyatında əsas rolu oynayıblar. Orlov tam 10 il Çariçanın favoriti olub. Potemkin sadəcə iki il. Lakin, potemkinin Yekaterina üzərində təsiri sona kimi davam edib. Hətta özündən sonrakı sevgililəri potemkin özü seçirdi Çariça üçün. Yekaterinanın son sevgilisi platon zubov idi. Çariçanın həmin vaxt 65 yaşı var idi, zubovun isə 20.

    Bir gün Çariçanı səhər huşsuz vəziyyətdə tualetdə tapdılar. Yekaterina 1796-cı ildə 67 yaşında beyin qansızmasından vəfat etdi.
    2. Deyirlər nimfomanka olub


sən də yaz!