silahdan istifadə hüququ sözaltı sözlük

silahdan istifadə hüququ



əjdaha lazımdı   izlə   lələ   mən   googllalink

    1. mənim nəzərimdə hal-hazırda demokratik-hüquqi sistemlərin həm göstəricisidir, həm də sığortası. demək olar ki, bütün avtoritar, totalitar dövlətlər silah almaq, saxlamaq, istifadə etməyi cinayi əməl hesab edir. onlara sərf edən budur, ona görə. hitler almanyada hakimiyyətə gələndən sonra silahdan istifadə hüququnu ləğv elədi, polis dövləti qurdu.
    amerikada 2nd amendmentdə bu hüquq birbaşa təsbit olunub. qanuna əsasən azad cəmiyyətin sivil vətəndaşları öz hüquq və azadlıqlarının, həyat təhlükəsizliklərinin birinci müdafiəçisi olduqlarına görə silahdan istifadə hüquqları var. deməli bu qanuna görə silahdan istifadə şəxsi təhlükəsizlikdən də daha çox hökumətin tiran siyasətinə qarşı vətəndaşların mübarizəsi üçün əsas hesab edilib. doğurdan da polis gücü olan rejimlərə qarşı başqa heç cür mübarizə aparmaq olmaz. aparsan da, effektiv olmaz. deməli silahlı mübarizə, silahdan istifadə təbii hüquqdur. təhsil hüquq, ifadə azadlığı, mülkiyyət hüququ kimi.
    2. məncə silahdan istifadə hüququ lazımdır amma yalnızca insan alacağı silahı özünü müdafiə üçün istifadə etməlidir ümüd edirəm bir gün Azərbaycanımızada belə bir qanun gələr
    3. qəti şəkildə qarşı olduğum hüquq. türkiyədə şort geyindiyi üçün avtobusda, ramazanda su içdiyi üçün oruc tutanlar tərəfindən kafedə döyülən və s. halları düşünsək, Azərbaycanın da bu düşüncədən heç də geri qalmayan dindarları (əsasən müsəlmanlar) olduğunu bilərək sui-istifadə halları göylərə qalxacaq. düşün, adamlar artıq döyməklə yox silah çıxarıb dinimə təhqir adıyla başqasını vuracaq. ölkədə onsuz da çevrilişə cəhd edib Suriyaya döndərmək istəyən yüzlərlə dindar var, bir də qanuni olaraq onlara silah verəcəyik? baxmayaraq ki, hələ belə bir hüquq yoxdur, götürək elə bu yaxın günlərdə avtobusa silahla basqın edən beyinsizi. bu özü belə sui-istifadə hallarına nümunədir. yəni qısası, sənin yaşadığın ölkə isveç, norveç, danimarka kimi ölkələr səviyyəsində deyilsə və sən öz ölkəni bu ölkələr səviyyəsinə yüksəltmək üçün nələr edə bilərik bunu müzakirə etmək əvəzinə, hüquq olaraq qanunən silah daşımasını müzakirə edirsənsə, bir şeylərin yanlış getdiyini görməlisən.
    4. Hələn qanuni yolla satışı rəsmiləşdirilən ov tüfənginiylə belə cinayətlərin tavan vurduğu bir ölkənin yüksək faizdə əhalisi üçün mahiyyəti dərk olunmayacaq məsələdir. ikinci bir tərəfdən militarizmin mənfi mənada aktuallığı mədəni inkişaf səviyyəsini aşağı salır. Hər hansı bir skandinaviya ölkəsinin silahlardan qanuni istifadəsinə görə onların sosial nöqteyi nəzərdən inkişaf etdiyi illüziyasını yarada bilər, amma yekunda bu insan öldürmək üçün düşünülübsə, mövzu bağlanmışdır.


sən də yaz!