+3 əjdaha
1. jurnalistika fakültəsinin məzunu olaraq ürəyim doludu. bu yazı cari vəziyyəti əhatə edəcək.1. jurnalistika nədir?
2. azərbaycanda jurnalistika hansı formada tədris edilir?
3. təkliflər və iradlar
4. mənim jurnalistikadan necə başım çıxır?
1. dəqiq, qərəzsiz formada olayı, xəbəri izləyiciyə, dinləyiciyə, oxucuya çatdıran jurnalistika hər əsr daha da fərqli bucaqlara uçur. hara aktivdisə, ordad olur. hazırda sosial şəbəkələrdə fəaliyyət göstərir və aktivliyini qorumağa çalışır;
2. ənənəvi formada icra edilir, dəyişikliyin tez-tez baş verdiyi sahə olmasına baxmayaraq sovet dövrünün kitablarından istinad götürərək yazılmış kitablar oxutdurulur (bəzən). universiteti bitirdikdən sonra fəxrlə "mən jurnalistika fakültəsini bitirmişəm" dedirtmir, dedirtdirmirlər. hər yerdə jurnalistika var, amma jurnalist yoxdur. sosial şəbəkələr ucbatından ətrafdan copy-paste ətri gəlir;
3. çox çox sevimli bir müəllimim var idi, kursda tanımışdım onu. o həmişə deyirdi ki, jurnalistika institutu olmalıdır, hansısa universitetdə tədris edilməkdənsə. bu təklifin üstünə başqasını tanımıram. çünki nəzəriyyəyə yox praktika yönümlü olmaq jurnalistikanın inkişafında daha vacib amildir;
4. bu ixtisası hüquq fakültəsinə düşmədiyimə görə seçməmişdim, həqiqətən istədiyim üçün yazmışdım. bizə nəzəriyyədə deyirdilər ki, jurnalistika maarifləndirmə, bilgiləndirmə və əyləndirmə funksiyalarını icra edir. dedim aha, mən elə buna həvəsliyəm. təhsil aldığım 4 il ərzində mövzu sadəcə nəzəriyyədə qaldığına görə "sındım" deyə bilərəm. areopagitika kitabının adını əlifbanı yadımda saxladığım kimi saxlayıram. universitet illərindən çalışmağa başladım bu sahə üzrə, amma hər dəfə məni incidən redaksiyalarla, kanallarla qarşılaşdım. qərb üçün də işləmək istəmirdim, çünki düz gəlmirdi mənə. amma hamısını yoxladım, daxili media qurumlarında da işlədim, qərbə də işlədim. məsələ pul qazanmaq deyildi, jurnalist olaraq işləyə-işləyə vicdanımı qoruyub saxlaya bilmək idi. universitetə qəbul olduğum il işləmək istədiyim kanal bağlandı ans, amma əlimə bir fürsət düşdü və illər sonra həmin insanlarla işləməyə başladım, məni ən çox sındıran onların iç üzləri oldu. və elə orda işdən ayrıldığım gün azərbaycanda kiminsə media qurumunda jurnalist işləməyəcəyimə söz verdim (özüm xaric).