1. mənim ilk dəfə sons of anarchy serialından, təxmini hardasa 10 il əvvəl tanıdığım şerif köməkçisi aktyor. bəsit bir aktyor idi, işıq görmürdüm. ki zamanla da aktyor olaraq işıq verməyəcəyini göstərdi və rejissor/ssenaristliyə yönəldi.

2015-ci ildə ilk ssenaristlik təcrübəsini denis villeneuvenin çəkdiyi sicario filmində yaşayıb və olduqca gözəl alınıb. bundandı ki filmin ikinci hissəsi soldadonun da ssenaristliyi ona tapşırılıb, 2018də çıxacaq olan.

2016-da isə bu dəfə david mackenzienin filmi hell or high water ssenarisini yazıb və bu da oscara layiq, uğurlu bir film oldu. hərçənd oscar almadı mən bilən, namizəd olabildi təkcə.

bu ilin qışında isə həm rejissor həm də ssenari müəllifi olduğu wind river filmini çəkdi. gözəl film idi bu da, həm də hərşeyini özü etdiyi ilk işi.

taylor sheridan, daha çox qızıldəril & amerikalı mövzusunun müasir dövrdəki təsirlərini ön plana çıxaran birisidi. hell or high water və wind river filmlərində bu fikir olduqca ön planda olmasa da filmlərin verdiyi əsas mesajlardan biridi. bir sözlə gələcəyi parlaqdı, yaxşı başlayıb, yaxşı da davam edər ümid edirəm.