azərbaycandakı xəbər telekanalları sözaltı sözlük

azərbaycandakı xəbər telekanalları



əjdaha lazımdı   izlə   lələ   mən   googllalink

    1. müxtəlif dövrlərdə senzuraya məruz qalmış, hətta senzurasız dövrü olmayan azərbaycan teleməkanındakı boşluqlardan biridir.
    1956-cı ildə televiziya yayımları başlayan azərbaycanda 1991-ci ilə kimi sovet hökumətinin olması və özəl telekanalların yoxluğu, xəbərçilikdəki obyektivliyi və bixəbərliyi tələb edirdi.

    1991-ci ildə yaradılan ans bu problemin qismən aradan qaldırılmasına nail olmuşdu. müharibə vaxtı aztv-nin səssizliyi bu ilk özəl kanala və ilk xəbər kanalına ehtiyacı hiss etdirirdi.
    1994-cü ildəki "islahatlar" televiziyalara da təsir göstərdi. xəbərçilikdəki senzura və yalanın birini bir köpükdən satmaq yağış kimi yağdı.
    90-cı illərin sonlarına doğru mətbuat daha da susqunlaşdı. düzdür, müxalifətə televiziyada yer ayrılırdı və sara tv özünün xəbərlərində son nəfəsinə kimi dözdü. lakin 1998-ci ildə ans-in heç nədən tərəfini müəyyən etməsi və xəbərlərdən uzaq olan aba tv-yə görə bu boşluğu mümkün olmadı.

    2000-ci ildə vəziyyət yaxşıya doğru getməyə başlamışdı. aba tv-nin cnn-lə müqaviləsinə əsasən cnn verilişlərinin azərbaycan dilində yayımına başlanılmışdı. bu da bir neçə il sonra "cnn azərbaycan" deməkdir. cnn azərbaycan telekanalının qurulması da ans-lə rəqabəti və şəffaf mətbuatı arxasınca gətirəcəkdi. ancaq sən saydığını say gör fələk nə sayır... 2001-ci ildə aba fəaliyyətini dayandırdı. bu plan da yaddan çıxdı.

    ans-in meydanı isə 2003-cü il iğtişaşlarında daralmağa başladı. etirazçılara terrorçu damğası vuran ans-ə 2006-cı ildə qulaqburması verildi. o vaxt buna səbəb azadlıq radiosu, amerikanın səsi kimi radioların verilişlərinin yayımı və vahid-mirşahin ikilisinin fərhad əliyev cəbhəsində yer alması idi.
    17 günlük fasilədən sonra təkrar yayıma başlayan ans-in efirində bir daha müxalifət liderləri (xüsusən də əli kərimli) görünmədi.
    2016-cı ildə də birdəfəlik bloka atıldı.

    2010-cu ildə tovuzda yerləşən sm tv-nin tezliyində türkel tv yaradıldı. xəbər telekanalı kimi yayıma başlayan türkel tv, bu gün arb 24 adıyla fəaliyyət göstərsə də bu, hakimiyyətin təbliğat vasitəsinə dönən telekanallardan qurtulmağa bəs etmir. hərçənd, arb də hakimiyyətin əlindədir. lakin diqqəti yerli kanalları yönəltmək üçün brejnevçi təfəkkürdən qurtulmağın lazım olduğunu heç kəs fikirləşmir.

    bu gün isə ans-i silən onun yerini başqasına vermək niyyətindədir.
    budur; milli televiziya və radio şurası xəbər televiziya kanalının açılması üçün müsabiqə elan edir link .

    indi isə səmimi danışaq; ans-in də səhvlərinin çox olduğunu bilirik. azərbaycanda mətbuatın nə günə salındığı hamıya məlumdur. ancaq mtrş keçən dəfə ans kimi 25 illik tarixi olan kanalı bağladı. və ondan sonra "böhran dövrüdür deyə yeni televiziya olmayacaq" deyildi. indi isə vahid, mirşahin kimilərin yerinə qeyri-peşəkarları gətirmək istəyirlər.

    hər nə qədər ans-çilər söyülsə də adamların peşəkarlığı var idi. azərbaycan dilinin səlisliyinə hörmət edilirdi. hərdən bir müstəqil ekspertlər efirə çıxırdı. əsasən də iqtisadiyyat xəbərlərində. vahid mustafayevin təbliğat filmləri 2-3 ölkədə də olsa göstərilirdi. böyük günahları varsa niyə həbs olunmadılar?

    özü də internet dövrüdür. bunu nəzərə alıb televiziya məkanının azadlığı təmin oluna bilərdi.

    hal-hazırda ölkədə tək xəbər telekanalı arb 24-dür.
    dekabrın ortasında müsabiqənin nəticələri elan olunacaq. çox güman ki, özəl telekanallardan birinin övlad kanalı olacaq. məsələn...

    (bax: lider xəbər)
    (bax: azad azərbaycan xəbər)
    (bax: xəzər xəbər)

    düzəliş: çox güman ki, bu, "xəzər xəbər tv" olacaq. aztv-nin nüfuzu ürəkaçan səviyyədə deyil. space, lider kimi kanallar maliyyə böhranı hökm sürür. maddi cəhətdən problem yaşamayan azad azərbaycan və xəzər telekanallarıdır.

    18 dekabr 2017
    milli televiziya və radio şurasından açıqlama:

    milli televiziya və radio şurası tərəfindən ixtisaslaşmış (xəbər) televiziya kanalının açılması üçün ümumrespublika televiziya yayımı üzrə bakı və abşеrоn ərazisində 31-ci tеzlik rеsursuna 16 noyabr 2017-ci il tarixdən 16 dekabr 2017-ci il tarixədək elan edilmiş müsabiqə başa çatmışdır. qeyd olunan müddətdə 3 iddiaçı – “baku art lab” mmc, “türkel TV” mmc, “media master” mmc müsabiqəyə sənədlərini təqdim etmişdir. “televiziya və radio yayımı haqqında” azərbaycan respublikası qanunun tələbinə uyğun olaraq milli televiziya və radio şurası tərəfindən müsabiqənin elan edildiyi gündən 60 gün müddətində müsabiqənin nəticələrinə baxılacaq və müvafiq qərar qəbul ediləcəkdir.


    28 dekabr 2017
    düzəliş:
    28 dekabr 2017-ci il tarixdə milli televiziya və radio şurasının növbəti iclası keçirilmişdir. iclasda milli televiziya və radio şurasının 14 noyabr 2017-ci il tarixli qərarı ilə ixtisaslaşmış (xəbər) televiziya kanalının açılması üçün ümumrespublika televiziya yayımı üzrə (bakı şəhəri və abşeron yarımadasında 31-ci TV yayım kanalı) 16 noyabr 2017-ci il tarixdən 16 dekabr 2017-ci il tarixədək elan edilmiş müsabiqədə iştirak etmiş “baku art lab” mmc, “türkel tv” mmc, “media master” mmc-nin sənədlərinə baxılmış, müsabiqənin nəticələri müzakirə edilmişdir. azərbaycan respublikası milli televiziya və radio şurası “televiziya və radio yayımı haqqında” azərbaycan respublikasının 2002-ci il 25 iyun tarixli 345-IIQ saylı qanununun 15, 19-cu maddələrini, azərbaycan respublikası prezidentinin 2002-ci il 05 oktyabr tarixli 795 saylı fərmanı ilə təsdiq edilmiş “milli televiziya və radio şurası haqqında əsasnamə”nin 8.6, 9.6-cı bəndini, “lisenziyalar və icazələr haqqında” azərbaycan respublikasının 15 mart 2016-cı il tarixli 176-VQ saylı qanununun 22.1-ci maddəsini rəhbər tutaraq digər iddiaçılarla müqayisədə daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olan “türkel tv” mmc-ni ümumrespublika televiziya yayım kanalının açılması üçün (bakı şəhəri və abşeron yarımadasında 31-ci tv yayım kanalı) 16 noyabr 2017-ci il tarixdən 16 dekabr 2017-ci il tarixədək elan edilmiş müsabiqənin qalibi elan etmiş və ona 31-ci TV yayım kanalında ümumrespublika televiziya yayımı üçün müddətsiz lisenziya verilmişdir.

    iclasda həmçinin “azərbaycan televiziya və radio verilişləri” qsc-nin 01 yanvar 2018-ci il tarixdən “aztv” və “mədəniyyət tv” kanallarının bakı şəhəri və abşeron yarımadasında yüksək keyfiyyətli rəqəmsal (hd formatında) yayıma başlaması barədə qərar qəbul edilmişdir.

    yəni tuxta arb 24 bakıda da göstərəcək.
    2. Lazımsız və reallığı əks etdirməyən, vaxt aparan məlumat toplusu.


sən də yaz!