dslr



əjdaha lazımdı   izlə   lələ   mən   googllalink

    1. açılımı digital single-lens reflex camera olan kamera növü. qısaca aynalı kamera desək, yanılmarıq. birdə bunun aynasız olanları var ki, o da ayrı bir məsələdi (bax: mirrorless camera). bu tip kameralara aynalı deyilməyi boş yerə deyil. deməli bu kameranın içində aynalı bir sistem var, vizordan (şəkli çəkmədən öncə baxmaq üçün olan yer) baxanda gördüyümüz şey, aynadır. ətrafda olan mənzərə həmin bu aynaya düşür və bunun vasitəsi ilə nə çəkəcəyimizi görürük. şəkli çəkmək üçün düyməyə basanda həmin ayna yuxarı qalxır və işıq birbaşa sensora daxil olur və şəkil çəkilir.
    Hal-hazırda Canon, Nikon, Panasonic, Pentax şirkətləri dslr tipli kameralar istehsal edir. ən məşhuru və ən çox satılanları canon və nikondur. bunun da səbəbi vardır. Çünki bu iki markanın çox geniş lens bazarı vardır.
    Yeni başlayanlara bir neçə tövsiyə vermək istəyirəm. əgər heç bir məlumatınız yoxdursa, əvvəlcə Youtube dən videolara baxmaqla Shutter speed, diyafram və iSO üçlüsünün nə olduğunu və üçünün bir-biri ilə əlaqəsini araşdırın. ən azından kameranı alarkən əziyyət çəkməyin. çalışın kameranın özünə, yəni body ə çox pul xərcləməyin, əsas lensə pul xərcləyin. Body və lensi insanın beyni və gözü kimi düşünün. Beyin nə qədər güclü olsa da, göz olmadıqdan sonra heç bir mənası qalmır. Əgər heç bir məlumatınız yoxdursa, kit lens ala bilərsiniz, hansı ki, aralığı 17-55mm dir. yeni başlayanlar üçün olduqca ideal aralıqdır. bununla başlayıb, bu işin incəliklərini öyrəndikdən sonra başqa lenslərə yönələ bilərsiniz.
    son məsləhətim, artıq dərəcədə xahiş olunur, kamera alan kimi pul qazanmağı güdməyin. Məşhur fotoqraf Henri Cartier-Bressonun da dediyi kimi "çəkəcəyiniz ilk 10000 foto sizin ən yanlış fotolarınızdır".


sən də yaz!