1. 2017'ci il abş istehsalı *tom cruise*'nin baş rolda olduğu *doug liman* filmi. real hadisələr əsasında çəkilən filmdə barry seal'in 'soyuq müharibə' dövründə, 80'cı illərdə, cia üçün pilot olaraq orta amerikada müxtəlif əməliyyatlarda iştirakından bəhs edilir. pul qazanmağa həris olan barry, cia üçün orta amerikada contra hərbi dəstəsinə silah daşıyarkən eyni zamanda orta amerikadan abş'a narkotik də daşıyaraq pul qazanır. tragi-komediya ünsürləri də olan filmdə amerika hökümətinin uğursuz əməliyyatlarına da toxunulur. filmin süjet xəttini *the wolf of wall street*'ə də bənzətmək olar, mövzu olaraq tamamilə fərqli filmlər olsalar da ikisi də nəticə etibarilə "pul qazanmaq" ideyası üzərinə fokuslaşıb.
insanı yormayan, ağır dialoqları olmayan yüngülvari bir filmdir. izlənilməlidir. hələ ki, 'soyuq müharibə' dövrünə marağı olanlar mütləq izləsin.