the good girl



əjdaha lazımdı   izlə   lələ   mən   googllalink

    1. 2002'ci il abş istehsalı, jennifer anistonjake gyllenhaal'ın baş rolda olduğu dram filmi.
    Justine (jennifer aniston) ucuzluq marketində işləyən 30 yaşlı evli qadındır, həyatından narazıdır, ətrafındakı hər kəsə nifrət edir, ərinə belə. Marketə yenicə kassir kimi düzəlmiş özünü "Holden" adlandıran, əslində adı tom olan 22 yaşlı gənc, justine'in diqqətini cəlb edir. kimsəylə danışmadığı və asosial kimi davrandığı üçün justine onunla danışmağa gedir və beləcə ikili tanış olur. tezliklə, yazar olan, universitetdən içki probleminə görə xaric edilən, heç kəsin onu başa düşmədiyini söyləyən holden ilə justine dost olur. holden dünyada onu anlayan yeganə insanın justine olduğuna inanır. justine isə saf ərinə xəyanət etdiyinə görə özünü günahkar hiss edir.
    mənə təsir edən bir neçə filmdən birisidir, the good girl. gyllenhaal'ın mükəmməl asosial, depressiv gənc rolu və aniston'un həyatdan bezmiş, narazı qadın rolunu ifası bu filmi çox fərqli edib. bəlkə də filmi sevməyimin səbəbi holden'ə bənzəməyimdir.

    --spoiler--

    film gözləntimdən daha mükəmməl alınıb. holden, həyatda özünə yer tapa bilməyən, asosial, zəif bir insandır. içki və narkotik aludəçiliyinə görə universitetdən atılıb. justine isə uğursuz seçimlər edərək phil ilə evlənmiş və həyatını alt-üst etmişdir. phil, dostu bubba ilə boyaçı işləyir. məhz elə bu iki dost saflığı ilə diqqət çəkir. bunları ətraflı analiz edəcəm.
    holden yazardır, özünün və sonra isə justine'in hekayəsini yazır. holden özündən sonra bir miras qoymaq istəyir, xatırlanmaq istəyir. onun bu istəyi justine ilə reallaşır. böyük ehtimalla, holden'dən hamilə qalan justine onun uşağını dünyaya gətirir.
    justine məncə daha çox iqtidarsız olan saf ərinin yerini holden ilə doldurmağa çalışır. 7 il evli olmaqlarına baxmayaraq uşaq sahibi olmaması ilə əlaqədar olaraq justine, holden ilə eşq həyatı yaşamağa başlayır. lakin justine, axtardığını tapa bilmir, saf ərinə xəyanət etdiyinə görə davamlı narahatlıq keçirir. oteldə olarkən bir gün phil'in dostu bubba ikilini görür. heç vaxt əlinə qız əli dəyməmiş bubba'nın mükəmməl qadın kimi gördüyü justine, artıq onun üçün sürtüyün biri olmuşdur. içində həmişə justine'ə qarşı hissləri olsa da dostunun qadınına başqa gözlə baxmasa da bu fürsəti ələ vermir. justine'i öz evinə dəvət edərək bubba, hər şeyi bildiyini deyir və əgər onunla yatmasa phil'ə hər şeyi deyəcəyini bildirir. çarəsiz qalan justine, bubba ilə üst köynəyin çıxartmadan qəribə şəkildə seks edir. lakin bu seks, bubba'nı çox xoşbəxt edir. diqqəti çəkən digər xarakter isə justine'nin əridir. justine'in əri phil olduqca safdır, hətta arvadının başqa kişi ilə yatdığını bildikdə belə onu vurduqdan sonra ağlayır, üzr istəyir. həm də sonsuz olmasına baxmayaraq uşağın özündən olmasına inanır çünki uşaq qara saçlı olur halbuki justine yalandan marketdə sarı saçlı mühafizəçi ilə yatdığını demişdir.
    holden də justine də sonda axtardıqlarını tapır, holden zəifliyi ucbatından intihar edir, çünki pul oğurladığına görə həbsə girməkdən qorxur. justine isə əri və uşağı ilə yaşamağa davam edir.

    --spoiler--

    Belə bir dialoq var ki, filmin əvvəlində dəfələrlə baxsam da bezmirəm, o qədər səmimi, təbii alınıb ki... dialoq belədir:
    - (justine) nə oxuyursan?
    - (holden) "çovdar tarlasında uşaqlar." (Eng: the catcher in the rye)
    - adın nədir? Çovdar? (Eng: what's your name? Catcher?)
    - holden. Kitabdakı baş qəhrəmanın adıdır.
    - nə edir ki o? (Eng: what's he do) *burada justine'nin bu cümləni deməsi mənə ləzzət edir.
    - cəmiyyətdəki ikiüzlülüyü aşkar edir.
    - görünür sosial biri deyilsən.
    - yazaram, yəni...
    - nə yazırsan.
    - hekayə, roman, şeir...
    (Justine'ni çağırırlar, getməli olur)
    - kitabın sonunda nə olur?(justine gedərkən deyir)
    - holden ağlını itirir. Dəlixanaya aparırlar
    - hmm.


sən də yaz!