müharibələrdə robotlardan istifadə sözaltı sözlük

müharibələrdə robotlardan istifadə



əjdaha lazımdı   izlə   lələ   mən   googllalink

    1. uşaqlıqdan bəri istər anime, istər film, istər qeyri bir şey izləyəndə ağlımdan çıxmayan bir sual olurdu: müharibələrdə niyə robotlardan istifadə olunmur?

    ən primitivi yad planetdən olsalar da, transformers. məsələn, code geass animesində döyüş zamanı insan pilotların idarə etdiyi knightmare frame adlı maşınlar var. başqa bir misal, ergo proxy adlı animedə insansız idarə olunan auto reivlardan istifadə edilir. düzdü, ergo proxy'də otoravlarla yanaşı insanlar da döyüşür, hətta bir-birlərinə qarşı da vuruşurlar, amma nəzərdə tutduğum bu deyil.

    düşündüyüm niyə bunlar bir manga/anime yazarının ağlına gəlir, ancaq müharibədən sərvət qazanan ölkələrin ağlına gəlmir?

    bunu araşdıracaq imkanlarım olmadığı zaman belə bir cavabım var idi: ola bilər, əhali səviyyəsinin normadan daha çox olmasının qarşısını bir tərəfdən milləti döyüş meydanında heç bir mənası olmayan amal uğrunda qırdırmaqla alırlar.

    əmma artıq müharibədə böyük miqyasda robotlardan istifadə olunması çox da uzaq olmayan gələcəkdə baş verəcək. insansız idarə olunan hava qurğuları, dronelar onsuz da var; kəşfiyyat, nəzarət və s. kimi hallarda köməyə çatırlar və onların inkişafı üçün üzərilərində çalışılır. bu arada bu qurğuların xeyri kimi ziyanı da az deyil və müharibə şəraitində olan ölkələrdəki sivillərin ölümünə də bais olublar. kəşfiyyat, nəzarət, bomba vasitəsi kimi istifadə olunmaları əslində önəmli bir addımdı, amma daha da yararlı və bir o qədər qorxulusu isə əsgər robotlardı - hədəfi seçib düşməni ayıran, süni intellektə sahib, silahlardan harda və necə istifadə edəcəyini bilən robotlar. buna ABŞ, Cənubi Koreya və s. ölkələr tərəfindən müdafiə məqsədi ilə hazırlanmış robotları misal kimi göstərmək olar. insanı anımsadan robotlardan daha maraqlı və dəhşətlisi isə heyvanvari robotlardır. Amerikan Boston Dynamics şirkəti, dört ayağı üzərində hərəkət edə bilən ve olduqca inkişaf etmiş tarazlıq mexanizmasına sahib robotlar istehsal edib. Bü­yük Köpək adı verilən robotun Amerikan əsgərlərinə müxtəlif vəsaitlər daşıma sahəsində köməkçi olacağı bildirilib. Eyni şirkətin istehsal etdiyi robotlardan biri də Atlas adı ver­ilən insanvari robotdur. Atlas iki ayağı üzərində yeriyib, əlləri ilə bir sıra alətlərdən istifadə edə bilər imiş.

    yəni ki, bir müddət sonra bəzi ölkələrdə insanlardan döyüş zonasında istifadə olunmayacaq. bunun irəliləmiş texnologiya ilə bürünən ölkələrdəki insan həyatının xeyrinə bir hal olduğuna baxmayaraq bu qurğuları özü istehsal etməyən və alacaq qədər büdcəyə sahib olmayan ölkələr şiddətli əziyyət çəkəcək. necə ki əvvəl qılınc-qalxanı tüfəng-top əvəz edəndə bunlardan yoxsul ölkələr ilk döyüşlərdə əlverişsiz vəziyyətlə qarşılaşdılar. normalda 5 əsgər ölürdüsə, robotlar sayəsində 10 əsgər öləcək. bu robotların sıradan çıxıb düşmənlə yanaşı dosta da hücum etməsi ehtimalı var. insanlıq olaraq dünyanı yox etməsək və bizim yaşımız çatsa *, yeni eraya girəcəyik və kiçik coğrafiyaya sahib ölkəmiz də bir şey fikirləşməsə, baş verəcək müharibələrdə ola bilər ki, çox çətin günlərdən keçəcək.


sən də yaz!