quduzluq



əjdaha lazımdı   izlə   lələ   mən   googllalink

    1. Quduzluq virusu tərəfindən beyin iltihablanması nəticəsində özünü şiddətli əlamətlərlə büruzə verən xəstəlik. Yarasa, tülkü, canavar, it, pişik və digər yoluxmuş heyvanların dişləməsi, cırmaqlaması və ya tüpürcək mayesinin açıq yaraya, gözə təması nəticəsində insanlara keçir. Bu hallardan biri ilə qarşılaşıldığı vəziyyətdə zərərçəkən ən qısa zamanda quduzluq əleyhinə vaksin vurdurmalıdır. Gecikmə halında əgər quduzluğun əlamətləri üzə çıxmağa başlayarsa artıq heç bir tibbi müdaxilə xəstəliyin gedişatına mane ola bilmir və pasiyentin ölümü qətiləşir. Quduzluğun udqunma refleksinin pozulması, ətraf mühitə qarşı həddən artıq həssas reaksiyalar, boğaz ağrısı, su qorxusu və s. Kimi Əlamətləri var. Xəstələr udquna bilmədikləri üçün su içməkdən imtina edir və eyni zamanda da tüpürcəyi ağız yoluyla çölə axıdmalı olurlar. Çox təhlükəli xəstəlikdir, dünyada əlamətlər üzə çıxandan sonra quduzluqdan qurtula bilən tək-tük insan var. Odur ki, ehtiyatlı olmaq lazımdır, əgər hər hansı bir it və ya pişik dişlərini dərinizə keçirsə və ya cırmaqlasa, yara qanamasa belə həkimə getmək lazımdır.
    2. Quduzluq virusundan heç bir vaksin olmadan qurtulmağı bacaran ilk insan Jeanne Giese'dir. Jeanne'i bir yarasa dişləyir, lakin qız quduzluğa heç bir ehtimal vermir. Nəhayət əlamətlər üzə çıxır, qız özünü xəstə hiss edir və həkimə gedir. Yarasa hadisəsini də danışdıqdan sonra həkim quduz ehtimalını təsdiqləyir. Artıq vaksin üçün də çox gec olduğundan həkim fərqli bir strategiya izləyir və qızı 1 həftəliyinə komaya salır ki, o komada olduğu müddətdə bədənin immuniteti virusu sıradan çıxarsın. Planladıqları kimi də olur, Jeanne quduzluq virusundan xilas olur, lakin komadan ayıldıqdan sonra yenidən gəzmək, danışmaq və s. Kimi şeyləri təzədən öyrənməli olur.


sən də yaz!