1. bu sifarişi verən: Apollo
theodor w. adorno - alman sosioloq,psixoloq,filosof, həmçinin musiqi alimi və bəstəkar.

Adorno psixologiya və sosiologiya professoru idi, amma musiqi ilə də çox yaxından maraqlanmışdır. xalasının təsiri ilə piano çalmağa marağı yaranıb və ilk dərslərini də elə xalası ona öyrədib. onun musiqiyə marağı çox tez kəşf olundu. anası onu avropada məşhur olan siegfried operasına daxil etməyə nail oldu və bundan sonra adorno, simfonik musiqidə etibarlı bir şəxsiyyətə çevrildi.

17 yaşında musiqi tənqidçiliyinə və mahnı bəstələməyə başladı.
məşhur mütəfəkkir frankfurt universitetində oxumuşdur, burada fəlsəfə, sosiologiya, musiqişünaslıq, psixologiya elmlərini öyrənmişdir.

adorno zamanın, dövrün çox çox öncəsində düşünə bilən filosof və sosioloq idi.

bir məqalədə əsərlərindən birində yazdığı kiçik bir parçanı oxumuşdum:

"biz canlıların cəhənnəmi gələcəkdə var olacaq bir şey deyil. cəhənnəm varsa, hal-hazırda buradadır, yanımızda, bizimlə bir yerdə, içində yaşadığımız və öz yaratdığımız cəhənnəmdir, acı çəkirik. acı çəkməmənin iki yolu var: biri- çoxumuza asandır, qəbullanmaq və onu görməyəcək dərəcədə onunla bütünləşmək; digəri- bu bir az risklidir: diqqətli və bilikli olub cəhənnəm olmayan bir yer və ya şəxs axtarmaq. onu tapdıqda tanıya bilmək, onu yaşatmaq, ona fürsət verib mövcud olmasını sürdürmək."

digər paylaşmaq istədiyim fikirləri də var. "minima moralia" kitabından:

"başmaqlar əlin yardımı olmadan geyinilməsi üzrə dizayn edilib. əyilməyə qarşı olan nifrətin abidəsidir"

"biz deyərkən əslində "mən"i nəzərdə tutmaq həqarətlərin ən üstüörtülüsüdür"

"möhtəşəm məzlumların yücəldilməsi, onları məzlumlaşdıran möhtəşəm sistemin yücəldilməsindən başqa bir şey deyildir"

"sən gücsüzlüyünü göstərdikdə, digəri sənin gücsüzlüyündən istifadə edib öz gücünü göstərmək üçün fürsət yaratmırsa, bil ki sevilirsən"

və bu kimi daha neçə-neçə beyin yandıran möhtəşəm cümlələr.

onun "minima moralia" kitabı haqqında deyilirdi: bu kitabı bir insan yazmış ola bilməz, göydən enmişdir.