mikhail suslov

1. sovet dövlət xadimi, sovet propaqanda aparatının de-fakto rəhbəri və kommunist partiyasının de-fakto baş ideoloqu. ləqəbi "boz kardinal"-dır * sözün əsl mənasında boz kardinal . hakimiyyətdə birbaşa olmağı heç vaxt sevməsə də, pərdə arxasından güc münasibətlərinin təyin edilməsində çox mühim rollar oynamışdır. ssri kommunist partiyasına 1-ci katib olaraq nikita xruşşov və leonid brejnevin seçilməsindən tutmuş, marşal georgi jukovun müdafiə naziri vəzifəsindən azad edilərək ordunun tam şəkildə partiyanın nəzarətinə keçirilməsinə, Xruşşova qarşı stalinin keçmiş silahdaşları Georgi Malenkov, Vyaçeslav Molotov, Lazar Kaganoviç, Dmitri şepilovdan ibarət "anti-partiya" adı verilən qrup tərəfindən törədilən 1-ci və " moskva fraksiyası" adlandırılan qrup tərəfindən törədilən 2-ci çevriliş cəhdlərinə, brejnev, alekseyi kosıgin, nikolay podgornı - üçlüyündən * troika ibarət kollektiv idarəetmə sisteminin qurulmasına, ssri xarici siyasətinin müəyyənləşdirilməsinə, sovet qoşunlarının əfqanıstana yeridilməsinə, ölkənin daxili iqtisadiyyatının kosıginin rəhbərliyi ilə liberallaşdırılmasının qarşısının alınmasına qədər məsələlərin hər birində başçılıq etdiyi qütb həmişə mübarizədən qalib olaraq çıxmışdır. stalinin ölümündən sonra partiya daxilində nüfuzu zəifləsə də, xruşşovun iqtidarda olduğu müddətin sonlarında yenidən nüfuz qazanmış, ölümünədək partiyanın konservativ cinahının aparıcı fiquru olmuşdur. eyni zamanda, həm kommunist partiyası mərkəzi komitəsinin rəyasət heyətinə, həm də siyasi büroya (baxma: politbüro) üzv olmuş 4 adamdan biri olmuşdur. yekun olaraq, iqtidarda olduğu 30 illik müddət ərzində sovet ittifaqının idarə edilməsində əhəmiyyətli rol oynayan şəxslərdən biri olmuş və qərb siyasətçiləri tərəfindən yaşadığı müddət ərzində gücsüz bir fiqur olaraq dəyərləndirilmişdir. dəfni zamanı ittifaqın o dövrə kimi mövcud olmuş ən böyük paradlarından biri keçirilmiş, son mənzilə yola salınarkən sahib olduğu mükafatlarının hər biri, bir general tərəfindən daşınarkən - yalnız bu zaman, qərbdə necə vacib bir siyasətçi olduğu başa düşülmüşdür. ölümü ilə partiya daxilində brejnevdən sonra 1-ci katib olmaq uğrunda yuri andropov və konstantin çernenko arasında baş tutan çəkişmələri şiddətləndirmişdir.

dəfn mərasimindən görüntülər:

(youtube:

)

mənbə:
https://en.wikipedia.org/wiki/Mikhail_Suslov
https://www.britannica.com/biography/Mikhail-Andreyevich-Suslov

mikhail suslov

Yalnız deyilsən!