1. bu gün məndə olduğunu öyrəndiyim və sabah onun ucbatından əməliyyat olacağım xəstəlik. mənə deyilənə görə, ilk öncə gözün ön təbəqəsini diaqonal parça hesab etməliyik. bu parçanın ipləri vaxt keçdikcə boşalır və bu ön təbəqə aşağı doğru sallanır. bu təbəqənin kənarlara doğru meyilli olduğunu biliriksə, deməli kənarlara doğru dərəcələr dəyişilir, məsələn: yuxarıda 41 dərəcədirsə, eyni xətt üzrə aşağıda 47 dərəcə olur. bu sonda bu təbəqənin tamamilə sıradan çıxmasına və donor axtarışına səbəb ola bilər. pisi odur ki, onu düzəltmək olmur. əməliyyatla bu təbəqəni dondurmaq, möhkəmləndirmək olur sadəcə. və ən pisi: lazer əməliyyatı olmaq şansınızı da itirirsiniz, yəni nə vaxtsa eynəkdən xilas olmaq şansınızı, çünki bu risklidir.

xəstəliyin səbəbləri tam dəqiq bilinməsə də, fiziki və irsi hesab olunur. fiziki, yəni əllə gözə toxunmaq, üzüaşağı qolunuzun gözünüzü əzməsi şəklində yatmaq, səhər oyandıqda gözü ovuşdurmaq və s. məsələn, allergiyadan əziyyət çəkirsinizsə, deməli, gözləriniz qaşınır və siz onlara çox toxunursunuz.