TL;DR üçün sona scroll edin.
iri, orta, kiçik hər cür çəkidə və ölçüdə bədəni qucaqlayan, "sən də bizdənsən" deyən hərəkatdır. dövrümüzdə artıq hamımız bir çox şeylərin social construct olduğunu bilirik. nədir social construct? sadə tərifi "insanların inandıqları üçün var olan/dəyər görən şeylər"-dir.
məsəlçün, pul əslində kağız parçasıdı ancaq real dəyəri olan şeyləri almaq olur. çünki bir şeydə qərar qılıb onu ortaq dəyər elan etməliydik. və yaxud da, irqi ayrı seçkillik. insanın hamsı insandı, onun dəyərini dəri rəngi təyin etmir ancaq bir qrup insan özünün məxsus olduğu qrupun üstün olduğunu düşünür və buna inanır.
social construct-lar irqçilik kimi böyük problemlərə səbəb olmaqla yanaşı, gündəlik həyatımıza da təsir edir. ən bəsitindən mentalitetimizi götürə bilərik. ölkə olaraq şortik geyinən qızın əxlaqsız olmadığını qəbul etsək, şortik geyinməkdə artıq bir problem qalmayacaq, ancaq buna inanmağa davam etdiyimiz üçün şortik geyinmək əxlaqsızlıqdır və.s ümumiyyətlə, kişinin hakim olduğu cəmiyyətin qadınlar üzərindən qurulan constructları çoxdur. əminən ki, qadın hakim olsa idi, bu say eyni olacaqdı, sadəcə obyekt və subyekt dəyişəcəkdi. ancaq bu başqa söhbətin mövzusudur.
qadınların ana, yuvanın qoruyucusu olduğuna inanılır və qadın evdar olur. qadınların yaxşı satdırdığı (bax: sex sells) məlum olanda qadın üzü, bədəni sexin, şəhvətin simvolu olur. bundan da məharətlə istifadə olunur. neçə dəfə ingilis dili kursu elanında gülümsəyən, qoltuğunda kitablar olan qaqaş şəkli görmüsünüz? qız şəkillərindən daha az.
burada social construct-lar kapitalizmə xidmət edir. qadın metalaşdırılır; qadın deyəndə artıq ağıla tək şey gəlir: gözəllik, fitlik, iri sinə, geniş ombasfasd - zarafat edirəm, bildiyimiz göt, uzun kirpiklər, piysiz bədən və.s qadın deyilən şeyin mədəniyyətinə, xarakterinə, təhsil səviyyəsinə, xəyallarına fikir verilmədən gözəl olub olmadığına baxılır. bir müddət sonra bu normalara əl çantaları, ayaqqabılar, xəzlər, kosmetika vasitələri, saç düzümləri, qiymətli daşlar da daxil olur. artıq gözəl olmaq təkcə genlərinizdən və qidalanmağınızdan asılı deyil. qəlib yaranır hansı ki, bütün qadınlar bu qəlibə uymağa çalışır. uya bilməyənlər özünü kənarda qalmış hiss edir, özü ilə barışa və özü ilə xoşbəxt ola bilmir. bu dəmdə qəliblərdən bezən feminism yetişir. deyir ki, "lazım deyil victoria secrets mələyi kimi görünmək, siz belə də qəşəngsiniz. 90-60-90 olmağa məcbur deyilsiniz, bunlar real olmayan, mükəmməl ölçülərdir. insanın daima bu standartlarda yaşamağı real deyil. həmçinin bu kapitalizmin yaratdığı bir constructdır; bu standartlar təyin olunmaqla sizə özünüzün də xəbəriniz olmadan məhsul satılır."
body positivity budur. insanın öz bədəni ilə barışıq olması, qadınları gözəllik qəliblərindən qurtarmaq, bununla da onları konsyumerizmdən xilas etmək. çünki iki anlayış bir-birlərinin səbəb və nəticəsidir.
90 kq olmağınız çirkin olmağınız mənasına gəlmir. ideal bədənlər üçün istehsal olunmuş geyimlərə girə bilmədiyiniz üçün üzülürsünüz? üzülməyin çünki artıq plus sizelar var. kapitalizm üzərində qalib gəlmisiniz, onlar artıq təslim olub sizə böyük ölçülü geyimlər satacaq. yox, mən yenə də arıqlamaq istəyirəm deyirsinizsə qəşəng idman proqramları ala bilərsiniz və yaxud da 200 manata xüsusi trainerlə idman edib arıqlaya bilərsiniz. uyğun qiymətə dieta proqramları, arıqladan çaylar da var. reklamlarını görşüm olarsız, alətlər var qarnına bağlayırsan, vibrasiya ilə o hissədəki yağları əridir asdf -*
140kq olub yerindən tərpənə bilməyən adamla nə işiniz var axı? o da insandır, nolsun sizdən daha az yaşayacaq? əsas odu ki, bu qısa ömrü xoşbəxt olacaq. tualetdə götünü başqası yumalı olacaq bəlkə, bəlkə heçvaxt təbiət qoynunda gəzə bilməyəcək, maaşının yarısı dərmanlara gedəcək ancaq o çəkisi ilə xoşbəxtdirsə, siz də bununla razılaşıb onun üçün sevinməlisiniz.
TL;DR: iki ucu poxlu dəyənəkdir.
(baxma: let them die in confidence)