dünya psixi sağlamlıq günü



əjdaha lazımdı   googllalink

    1. bu gün, yəni 10 oktyabr qeyd olunacaq, psixi sağlamlıq, psixi xəstəliklər və psixi xəstəlikləri olan insanlara həsr olunmuş gün. dünyada 1 milyarda yaxın insanın kiçik və ya böyük psixi problemlərdən əziyyət çəkdiyini nəzərə alsaq, bu gün həmən problemlərə diqqət çəkmək çox vacibdir, çünki psixi problemlər bütün dünyada ikinci plana atılır, və önəmsənilmir. halbuki onlar daha səssiz öldürür.

    səssizdir, çünki ətrafdan baxanlar bunu heç müşahidə etməyə bilər. adətən, psixi xəstəlik deyəndə hər kəsin ağlında çox ifrat təsəvvürlər yaransa da, əslində hər kəsin həyatında vaxtaşırı yaşadığı depressiya, həyəcan, obsessiv düşüncələr kimi bir çox insan təbiətinə məxsus hallar uzun müddətli və şiddətli olduğunda hər biri psixi xəstəlikdir. son aylarda ətrafında yaxından, və ya uzaqdan tanıdığım bir neçə insanın intiharına şahid olmuş biri olaraq deyə bilərəmki, onlar kənardan digərlərindən daha bədbin, zəif görünmürdülər. əksinə, bir çox digər tanıdığım insanlardan daha pozitiv, və xoşbəxt görünürdülər.

    həmçinin, illər boyu müxtəlif obsessiyalarla və depressiya ilə mübarizə aparmış biri olduğum halda, ətrafımdaki bir neçə mənə çox yaxın insan istisna olmaqla bunu heç kim bilməyib, və böyük ehtimalla da, bilməyəcək, çünki kənardan baxıldığı zaman hər hansısa fiziki və ya mental problem yaşayan biri olaraq görünmürəm.

    bütün bu məlumatlardan sonra, conclude etmək istərdim ki insanlara kənardan necə göründüklərindən asılı olmayaraq yaxşı olaq, yaxşı davranaq, çünki dediyimiz hansısa bir söz, göstərdiyimiz hansısa bir davranış kiminsə həyatını xilas edə, və ya sonlandıra bilər.
    2. 10 oktyabr dünya psixi sağlamlıq günü kimi qeyd edilir. Belə yerdə yuvenil depressiyadan danışmaq istəyirəm. Yuvenil depressiya yeniyetmələrdə görülən, əksərən də ətrafın "ə, sənin nəyin çatmır ki, halından məmnun deyilsən? Anan, atan yanında, ac deyilsən, lüt deyilsən" deyə reaksiya verdiyi bir şeydir. Hansı ki, bu yolla vəziyyətin anasını ağladırlar və işin axırı uşaq intihar edəndə "gül balam, sənə nə oldu? Niyə etdin?" deyib saç-baş yolmaqla bitir. Yuvenil depressiyadan əziyyət çəkmiş və bunun fərqinə psixiatriya dərsi keçəndə fərqinə varmış biri kimi deyirəm. Uşaqlarınıza diqqət edin! Bir uşağın 14-15 yaşı ola bilər. Amma ətrafa yalançı gülüşlər saça bilər. Sonra isə güldüyü şeyə görə özünü danlaya bilər. Gülmək o yana, içdən içə gülümsəməyi belə özünə yaraşdırmaz. Uşaq uşaq ola bilər. Amma ölümünə özündən zəhləsi də gedə bilər. Özünə dəyər verə bilməməyin acısını bilirsinizmi? Biri uşaq ola bilər, amma gərginliyinin pik nöqtəsində özünü bir qayalıqdan atmağı təsəvvür etməklə və o tullanışda hiss etdiyi rahatlıqla sakitləşdirə bilər. Və əmin olun ki, bunu uşaq yeniyetmə triplərindən eləmir. Ha, bir də o depressiyanın üstünə təşviş pozuntusu əlavə olunubsa və bunun heç kim fərqinə varmırsa, "toy günüdür, əl çalın" deyib oynaya bilərsiniz. Tort yerinə də uşağın biləklərini kəsərsiniz.


sən də yaz!