badminton

| idman

əjdaha lazımdı   googllalink

    1. Bu idman oyununun adı ingiltərənin badminton şəhərinin adından götürülmüşdür. müəyyən xüsusiyyətlərinə görə tennisə bənzəyir. Qədim Malayyada yaranmış, sonralar asiyanın başqa ölkələrinə də yayılmışdır. Bir müddətdir ki, Olimpiya idman növü hesab olunur. Oyun tor ilə iki hissəyə bölünmüş düzbucaqlı meydançada keçirilir. Torun hündürlüyü 1,55 metr olur. Əsasən, üzərinə dəri çəkilmiş və tac şəkilli lələklərə malik olan top və tennis tipli raketka ilə oynanılır.
    Oyunda məqsəd topu meydançanın rəqibə aid hissəsinə salmaq, öz sahəsinə düşməyə imkan verməməkdir. Badminton oyunu 3, yaxud 5 hissədən ibarət olur və hər bir hissənin hesabı 15 xal qazanılanadək davam edir. sıfır hesabında və cüt ədədli ballarda top sağdan çəpinə, tək ədədli ballarda isə soldan şaquli istiqamətdə ötürülür. qoşa oyunlarda topu birinci olaraq sağdakı idmançı oyuna daxil edir. hər qazanılan baldan sonra oyunçular öz yerlərini dəyişirlər.
    Azərbaycanda badminton idman növünün yaranma tarixi 1957-ci ilə təsadüf edir. Beləki Sovetlər Birliyinin paytaxtı Moskva şəhərində 1957-ci ildə dünya gənclər və tələbələrin festivalında Badminton idman növü ilə tanışlıq olmuşdur. Festivalda iştirak edən Azərbaycan Dövlət Bədən Tərbiyəsi və idman Akademiyasının dosenti mərhum Nazim Əliyev badmintonun sirləri ilə tanış olmuş və badmintonun Azərbaycana əsasını qoymuşdur.
    1962-ci ildə ilk Bakı, 1963-cü ildə ilk Azərbaycan cempionatı keçirilmişdir. Azərbaycan Badminton Federasiyası (ABF) -1964-cü ildə yaranmış, 1996-cı ildə yenidən təsis edilmişdir.
    1997-ci ildən Dünya Badminton Federasiyasının (DBF) və Avropa Badminton Federasiyasının (BEC) üzvüdür.


sən də yaz!