dc crisis

|

əjdaha lazımdı   googllalink

    1. DC Krizis Tarixi!
    Böhranın Başlanğıcı!

    Superqəhrəman komikslərinin ən diqqət çəkən məqamlarının başında, DCMarvel kimi şirkətlərin yayımladığı böyükölçülü hekayələr gəlir. Daha çox "Storyline-Əhvalat" və "Event-Hadisə" olaraq yazılan bu hekayələr bir çox önəmli personajların ortaq nöqtəyə meyl etməsinə şərait yaradır. Beləcə bu tip hekayələr dərc olunduğu zaman, həm kainat içində həm də satış rəqəmlərində böyük çaplı sensasiyalar yaşanır.

    DC Comics-in böyük hekayələrinin əsas quruluşunda, Marvel Comics ilə nisbətdə daha standrad olan quruluşunun olduğunu sezə bilərik. illərin komiks oxuyucusu olaraq bu məqamı təsdiqləyə bilərəm. DC komikslərinin başında illərdir böyük səs-küyə səbəb olan "Crisis-Krizis" temasına rast gəlirik.

    Crises of Multiple Earths (CoME)
    Crisis on Infinite Earths (CoIE)
    Zero Hour:Crisis in Time
    (gbax: Infinite Crisis

    Final Crisis
    Heroes in Crisis

    Sadaladığım hekayələr başlıca olaraq DC strukturunun əsas krizis-böhran əhvalatlarıdır. Gördüyünüz kimi, DC-də krizislərin ardı-arası kəsilmir. Bu hekayələrin bir çoxu DC-nin bütün reallığını əhatə etdiyi üçün, hekayələri və hekayələrin əsas qavramını anlamaq bəzən oxuculara çətinlik yaradır. Habelə, bu başlığın fərqli şəkildə istifadə qaydaları da mövcuddur. Məndə yeni açdığım bu albomda Crisis hekayələrinə, Crisis qaydalarına və Crisis-lə bağlı olan digər məqamları sizlər üçün açıqlayacağam.

    Crisis-in sözlüyünün anlamı nədir?
    Öncə, bu başlıqların əksəriyyətində yer alan Crisis kəliməsi ilə bağlı olan 3 önəmli tərifi bilmək lazımdır.

    - ilk tərif çox sadədir. Crisis ingiliscədən tərcümədə Krizis adlanır.

    - ikinci tərif isə "Crises", komikslərdə bir çox insan üçün olduqca başgicəlləndirən kəlimədir. Crisis-dən yalnız bir hərf fərqi olan bu söz, hekayələrin adlarında çox da qarşımıza çıxmır. Amma bu mövzu ilə əlaqədar olan forumlarda və hekayənin içində çox böyük önəmə sahib olduğunu vurğulamaq lazımdır.

    - Əslinə qalsa Crises sözcüyü Crisis qədər sadədir. Bildiyiniz kimi ingilis əlifbasında "s" hərfi çoxluq mənasına gəlir.

    Boy - Oğlan, Boys - Oğlanlar!
    Angel - Mələk, Angels - Mələklər!
    Avenger - Qisasçı, Avengers - Qisasçılar!

    Ancaq bu məqama dair bir neçə fərqli istisna vardır. Crisis sözünün sonuna "s" qoymağın faydasız olduğunu düşünsək, ingiliscədə bu kəlimənin çoxlu halı Crises olaraq tərif olunur. Crises - Krizislər, Böhranlar!

    Sadaladığım məqamlar Krizis Tarixi üçün əsas təməl bilgilərdir. Təbii ki, əsas məsələ Crisis sözünün anlamının DC hekayələrində rolunu sizlərə açıqlamaqdır.

    DC Krizisləri!

    DC Comics reallığı adlandırdığımız olaylar silsiləsi birdən daha çox kainatı əhatə edir. Komikslərdə olduqca məhşur olan bu mövzu Marvel komikslərində daha çox qarşımıza çıxır. Marvel üçün analiz məqalələrimiz də bir çoxunuz böyük ehtimalla bu duruma aşinasınız. Marvel və DC-nin bir hekayədə bir neçə kainatı əhatə etdiyi kainatlar əsasən - çoxlukainatlar, çoxlureallıqlar ilə tənzimlənir. Bu mövzunu qısa olaraq Multiverse - Multikainat adlandırırıq.

    Multikainatı bir akvarium olaraq fikirləşin. Akvariumun içində üzən balıqlar isə digər kainatlardır. Bir sözlə paralel/alternativ/paket kainatların cəmləşdiyi kainata Multikainat deyilir. Türklər bu kainatı "ÇokluEvren" adlandırır.

    DC üçün Crisis teması məhz bu məqamla əhatə dairəsinə düşür. Yaşanan bir hadisə, fərqli paralel kainatlara eyni anda təsir etdiyi zaman, bu artıq "Krizis-Böhran" olaraq adlandırılır. Hamısında olmasa belə, əksər krizis hekayələri bütün DC kainatlarına təsirsiz ötüşmür və finalda böyük nəticələrin, şokedici hadisələrin yaranmasına səbəb olur. Bu məqamlardan ən başlıcası isə "Reboot" termini ilə əlaqədardır. Reboot - yenidənqurma-sıfırlama olaraq adlandırılır. Bütün kainat quruluşunun dəyişdiyi (yeniləndiyi) və sıfırdan başlayan hekayələrə "reboot" deyilir.


sən də yaz!