+2 əjdaha
1. A Vida Invisivel de Eurídice Gusmão / Invisible Life (2019).Rejissor: Karim Aïnouz.
Müsahibə:
1950-ci illərə aid film çəkməyinizə səbəb nə oldu?
- 2015-ci ildə anam vəfat etdi. Anam tək qadın idi və az adam bizim necə yaşadığımızı bilirdi. Bu çox çətin olmadı, amma anam məni böyütməli və pul tapmalı idi. indi 80 - 90 yaşlarında və yox olmaq üzrə olan bu nəslin qadınları haqqında danışmaq istədim. Boşana bilmədiyiniz, cinsi inqilabın hələ baş vermədiyi və kontraseptiv həb olmadığı bir zamanda yaşamaq necə idi? Düşünürəm ki, Braziliyada müharibədən sonrakı dövr ailə ilə bağlı çox güclü mühafizəkar dəyərlərin mövcud olduğu bir dövr idi.
Film 1950-ci illərə aid çəkilsə də, filmdəki musiqi seçimləriniz daha çox modern idi. Bunun səbəbi nə idi?
- Film keçmişə pərəstiş eləmir. Film nostalji deyil və yalnız anına sadiq bir dünya qurmaqdan daha üstün bir şeydir; həm də hekayə üçün faydalı bir dünya qurmaqdır. Bir bəstəkarla işləyirdim və o, həqiqətən köhnə alətlərdən istifadə edirdi. Dedim: “Qulaq as, elektron musiqini qadınlar 1950-ci illərdə icad etmişdilər, bəs biz niyə burada sintez eliyə bilmərik?”. 1950-ci illərdə olan bir çox modern musiqilər var ki, biz elə bilirik 1970- ci illərə aiddir. Bu həmçinin keçmişə marağı olan gənc nəsil üçün film çəkmək idi və bunun yollarından biri musiqidən keçirdi.
Ekranda gördüyümüz seks səhnələri çox heyvani idi, kitabda da belə idi?
- Seks səhnələri kitabdakı kimi heyvani idi. Mən həm də 1950-ci illərdə böyüyən qadınlarla da görüşdüm və ilk dəfə bir penis gördükdə, ya da ilk dəfə cinsi əlaqədə olduqda və ya çılpaq bir kişi gördükdə necə olduqlarını soruşmuşam. Əlbətdə ki, insandan-insana fərqli idi, amma o dövr bir növ şiddət çox yayılmışdı.
Baş rol aktrisalarını necə seçmisiniz?
- Hər şeydən əvvəl, kastinqdə aktirsalardan üç dəqiqə kartof soyması ilə bağlı bir video çəkmələrini xahiş etdim. Marilyn Monroe-nin 1950-ci illərdə apardığı ekran testlərini xatırlayıram, bu sizdə var, ya yox bilmirəm. Düşünürəm ki, işimizin 90%-i bunu müəyyənləşdirməkdir. Julia Stockler kino məktəbindən təzə çıxmışdı və mənə tövsiyə olundu. Sonra teatrda güclü keçmişi olan Carol Duarte -i tapdım.
Mənbə: Cineuropa.