baxımlı olmaq

| sosial

əjdaha lazımdı   googllalink

    1. Ətrafımdakı əksər insanlara, xüsusilə qadınlara görə, saçı hər gün düzləşdirilmiş, laklı, uzun dırnaqlı, makiyajlı, bədəni istənilməyən tüklərdən təmizlənmiş olmaq. Kişilərdə də həmçinin buna uyğun olaraq, düzgün geyimli, ətirli, saçı səliqəli filan olmaqdır hər halda. Ən gülməlisi isə bu "baxımlılıq" anlayışına sahib insanların çoxunun şəxsi gigiyena qaydalarından xəbərsiz olması və ya riayət etməməsidir *.
    Son müzakirəmdə "özünə baxmaq nəyə deyirsiz ki? Məsələn, mən meditasiya edirəm, əlavə kitablar ya da məlumatlar oxuyuram, filmlərə baxıram, bunlar da özünə baxmaqdır da" dediyim vaxt sadəcə qəhqəhə ilə reaksiya verdilər.

    Ola bilər ki, Bu sadəcə mənim ətrafımda belədir*. Saçımı istədiyim kimi kəsirəm, yığıram, boş şeylər geyirəm deyə bu mənasız təzyiqlərə məruz qalıram. Bəlkə həqiqətən baxımlı da deyiləm. Amma bu anlayışın dəyişməsini istəyirəm artıq. Yəni baxımlı olmaq tərli bədənə ətir vurmaq, highlighter çəkmək, içində narahat hiss etdiyin paltarlar geyinmək olmamalıdır. Mental, intellektual inkişafı üçün heç nə etməyən heç kəs də baxımlı deyil, məncə.


sən də yaz!