stressin müsbət təsirləri

| sağlamlıq

əjdaha lazımdı   googllalink

    1. bir personal development coachım var idi, ulrika. isveçli idi. şəxsi inkişafın planlanması, inkişafın stimullaşdırıması, qərar qəbul etmə, insanları idarə etmə, şəxslər arası intriqa və çətinlikləri yönətmə, böhran idarə etməsi və s mövzularında öz təcrübələri ilə mənə çox şey qatdı, sağ olsun və bu mövzuları mənimsədirdi mənə. biz bununla daha çox online görüşlər keçirirdik. axırıncı dərs isə üz-üzə olmalı idi və imtahan keçirilirdi. şirkət baxmaq istəyirdi ki, nə qədər daha yüksək idarə etmə vəzifələrinə uyğundur kandidat. imtahanı verdim elədim, bunu da axşam yeməyinə dəvət elədim ki, işimiz qutarır da, bir də harda görəcəm səni xuy eqo znayet oturaq bir qısmat çörək kəsək. yedik, içdik, elədik. axırda mənə bunu dedi:
    - əgər səndən 2-3 cümlə ilə soruşsalar ki, ulrikadan nə öyrəndin, çox detaya girmə bunu de, çünki ən vacib məsələ budur və bunu sənə üz-üzə görüşəndə demək istədim, müasir zamanda ən vacib məsələlərdən biridir: "stresi yönətmə".
    sən bilirsən lobster necə böyüyür? əslində lobster yumşaq ətdən olan heyvandır. sadəcə özünü qorumaq üçün özünə həmişə xüsusi bərk shell (qabıq) düzəldir. o böyüyür, böyüyür və bu bərk qabıq böyümədiyi üçün onu sıxmağa başlayır. o dözür, dözür, amma artıq ağrı çoxaldığı üçün çıxır qabığından. gedir, bir yerdə gizlənir və yeni qabıq istehsal edir özü üçün. daha böyük, daha güclü qabıq. sonra bu proses təkrarlanır. o böyüyür, böyüyür və əvvəlki böyük qabığ yenə onu sıxır, incidir. o isə böyüməyə davam edir və yenə çıxır qabığından yeni qabığ üçün. bu dəfə daha böyük qabıq düzəltmək üçün. Lobsterin böyüməyi, yeni qabığı üçün ona stimul verən şey ağrı, stress, sıxılmadı. əgər lobster bizim kimi hər yüngül dərdimizdə, çətinliyimizdə ağrıkəsici və ya antidepressant istifadə etsəydi, o öz qabığını heç vaxt tərk etməzdi və heç vaxt böyüməzdi. indi sən də, nə vaxt ki stressə girsən, sevin. çəkil kənara. səni stresə soxan şeyə bax helicopter view-dan ( qartal baxışı) mövzulara içəridən deyil yuxarıdan ümumi baxış. onu dərk et. bil ki, bunu sən daha əvvəl eləməmisən. bunu sən yaxşı bilmirsən. bunda sən özünü rahat hiss eləmirsən. ona görə bu mövzu, iş səni stressə salır. sən bilsəydin, sən hakim olsaydın mövzuya, stressə girməzdin. tez anla ki, nəyi öyrənirsən. tez başa düş ki, xarakter və bacarığının hansı tərəflərin inkişaf etdirirsən və gələcəkdə eyni mövzuda stress yaşamayacaqsan.

    bu danışdıqca mənə aydınlanma gəlirdi. sonradan bildim ki, ulrika məşhur abraham twerskinin tələbəsi olub. o training və bu söhbətdən sonra uzun zamandır stress mənə şirin, özümü inkişaf etdirə biləcəyim mövzunun hadisənin və qabiliyyətin elçisi kimi gəlir. və artıq 4-5 dəq çox stresdə qalmıram. başa düşürəm ki, öyrənirəm. başa düşürəm ki, nəyisə fərqli eləməliyəm.

    bütün bunlara görə də, hələ də stressdə olursuzsa baxın nədir sizi stressə soxan. öyrənin onu, çözün onu. həll edin. beyninizdə qəlbinizdə sevin onu. baxacaqsız ki, stresdən daha çox öyrənmək əzmi geridə qalıb.


sən də yaz!