1. Xavier dolanın 16 yaşında yazmağa başladığı, 20 yaşında (2009) çıxardığı debüt filmi.
Əsas mövzu ana-oğul münasibətləri ətrafındadır.
Hubertin yeniyetmə dövrünün gətirdiyi başa düşülmə istəyi, gərginliyi ilə ananın hər şeyə öz çərçivəsindən baxması, Özünə görə oğlu üçün doğruları etməyə çalışması bir-biri ilə birləşəndə ana-oğul arasındakı münasibətlər pisləşir, bir-birinə təzyiq etməyə və uzaqlaşmağa başlayırlar. Hubertin anasına qarşı hissləri - sevgi və nifrət - bir-birinə qarışmış vəziyyətə gəlir. Film elə bu qarışıqlığın üstündə qurulub. Bunu ən yaxşı ifadə etdiyi səhnələr ozünü çəkdiyi videolardır: “ düzdür onu sevirəm, amma bu övlad sevgisi deyil. kimsə onu incitsə, mən o insanı öldürə bilərəm. Amma ondan çox sevdiyim yüzlərlə insan saya bilərəm.” “Nə olduğunu bilmirəm. Uşaqikən bir-birimizi sevirdik. Onu sevirəm, ona baxa bilərəm. Amma onun oğlu ola bilmərəm. Hər kəsin oğlu ola bilərəm, amma onun yox.”