1. Piqoviyan vergisi məhsul istehsalı zamanı ətraf-mühitə və insanlara zərər verən şirkət ya da şəxslərə tətbiq edilən, ingilis iqtisadçı Arthur cecil pigou tərəfindən yaradılmış cəzalandırmadır. iqtisadçılara görə, bir əmtəənin ərsəyə gəlməsi üçün çəkilən xərcin az olması məqsədilə kompaniyalar bir çox qaydaların üstündən xətt çəkir, bunun nəticəsində də ətraf-mühitin çirklənməsi baş verir ki, bu insanlara zərər vurur. Başqa deyimlə, istehsal xərclərinin azaldılması insanlara baha başa gəlir, buna görə də istehsalçıların üzərinə verdiyi zərər qədər vergi qoyaraq məsələnin həlli mümkün olur. Piqoviyan tipli vergilərə fosil yanacaqlara tətbiq edilən vergilər, plastik torba və məhsulların istehsalı, satışı, istifadəsi üçün qoyulan cəza və vergilər misal ola bilər. Ötən ilin sonunda Azərbaycanda qəbul edilən qanun dəyişikliyində bu ilin yanvarın 1-dən etibarən çəkisi 15 mikrona qədər olan plastik torbaların, 1 iyuldan etibarən isə plastik məhsulların istifadəsi, istehsalı, idxalı qadağan edilib.