1. (baxma: səbr zorlayan filmlər)

dəqiqəbaşı əsəbdən dərin nəfəs alaraq izlədiyim və mənimlə radikal ateistlik arasında azca, çox kiçik, bapbalaca məsafə buraxan, real hadisələr əsasında çəkilmiş alman filmi.

--spoiler--

qatı dindar ailəyə sahib olan hatun aynur ailəsinin məcburiyyəti ilə əmisioğlu ilə evləndirilir və türkiyəyə köçür, lakin bir müddət sonra hamilə halda "əmisioğlundan" fiziki şiddət görən aynur ailəsinin yanına- berlinə geri qayıdır. ailəsi əvvəlcə onu qəbul etmir, amma ailəsindən fərqli olan böyük qardaşın da təkidi ilə onu burada qalmasına məcbur olurlar. bundan sonra ailəsi tərəfindən burunlanan aynur ayrı evə çıxmağa, işləməyə, öz başının çarəsinə özü baxmağa başlayır, hətta dindən uzaqlaşıb başörtüsünü çıxarır, istədiyi kimi yaşayır. qısa müddətdə qardaşları tərəfindən təhdid zəngləri alması nəticəsində ailəsindən uzaqlaşmış böyük qardaşının da təkidi ilə berlindən köçmə qərarı alır. 20 günə yaxın müddətdə köçəcək olan aynur özünün ən kiçik qardaşı tərəfindən öldürülür.

--spoiler--

film əsas rol- aynurun həyatı üzərindən irəliləsə də filmin obraz qalereyası zəngindir: ailənin içindəki "ilanlar" və onların təsir göstərib öz tərəflərinə çəkmək istədikləri tanışların da həyatı göstərilir.

--spoiler--


"utancverici olmaq" rəqs etmək deməkdir. sadəcə ailə və şərəfin sayıldığı dünyada.
"utancverici olmaq" adətlərdən qopmaq deməkdir.
"utancverici olmaq" öz istəklərinə sahib olmaq, ailənin qaydalarına riayət etməmək və nəticəsində də onları utandırmaq deməkdir.
bu ölümcül günah iki cinsiyyətdən sadəcə biri üçün keçərlidir: sadəcə bacı üçün, sadəcə atasının qızı üçün, sadəcə ərin arvadı üçün. çünki qadının ən hörmətli varlığı əri və atasıdır- onların ailəsinin sahibidir.
və əgər kişiləri ləkələyərsən, işləməzsən, cəzalandırılarsan..

--spoiler--