...

das schloss

| ədəbiyyat

facebook twitter əjdaha lazımdı   googllalink
yazarların hal-hazırda oxuduqları kitablar

    1. das schloss (azərbaycanca-qəsr)
    frans kafkanın 1922-ci ildə yazmağa başladığı, ancaq ölümü səbəbindən tamamlaya bilmədiyi romanı. roman 1926-cı ildə ilk dəfə çap edilib.

    roman baş qəhrəmanımız k.'nın kəndə yerölçən olaraq işləməyə gəlməsi ilə başlayır. sonra k.'dan kənddə qalmaq üçün icazəsinin olub-olmamasını soruşurlar. k. da qrafın onu kəndə çağırdığını iddia edir. amma bu məsələ qaranlıq qalır (xatırladığım qədərilə bu mövzuya birdə qayıtmırlar). nəsə, sonra, buna məktəbdə iş verirlər, frida adlı barmen qadınla tanış olur və nişanlanır. nəsə, bu kənddə də, "qəsr" adında idarəetmə orqanı kimi bir şey olur. k. həmişə bu "qəsrə" daxil olmağa, qraf klamm ilə görüşməyə çalışır. amma nə hikmətsə, heç vaxt alınmır. romanın hekayəsi də k.'nın bu "qəsr"-ə giriş yolundakı "super-absurd" olayları əhatə edir.

    roman, qısaca, "insan-hökumət" və k.'nın yalnızca adını bildiyimiz, xarici görünüşü, xüsusiyyətləri haqqında isə digər obrazlardan duyduğumuz qraf klamm'a çatmaq hekayəsidir.

    k. roman boyunca kənd və kənd əhli üçün həmişə "yabançı" durumunda olur. bu özgələşmə onu mənəvi olaraq yorur, ümidsizliyə salır, ruhi və fiziki olaraq "xəstələndirir".

    kitab axıcı deyil, bir gündə maks. 20 səhifə oxumaq olur, yorucudur. insanlar, kənd, hava şəraiti həmişə "bozdur". depressiyadasınızsa, oxumağınız məsləhət görülmür.

    mən kitabı oxuyanda, sonunu bilmirdim, elə bitirmək üçün oxuyurdum, ta ki, sonunda mal oluncayadək.
    --spoiler--

    əsərin əl yazmaları bundan sonra qırılır....

    --spoiler--
    boşluğa oxuyurammış bu vaxta qədər.

    bir də nə vaxt asan xidmətdə növbə götürsəm, bu roman yadıma düşür. indi növbəmi alacam, pəncərəyə yaxınlaşacam, o, məni başqa pəncərəyə yönləndirəcək, sonra geri qayıdacam, o deyəcək, get, 1 həftə sonra gələrsən, çəkiləsi dərd deyil. aciz ruhum incinir, təcavüzə uğrayır rəsmən.

    8 əjdaha!

    15.09.2021 21:35, pikolo


üzv ol


...