1. Peşəmdən dolayı çox tez-tez işlətdiyim və eyni zamanda da çox tez-tez qarşı tərəfə mənasını izah etməli olduğum söz.
"Brief" ingiliscə söz olub, mənası "qısa", "müxtəsər", "özət" deməkdir. Elə öz peşəmdən misal gətirərək daha aydın izah edə bilərəm. Məsələn, müştəri məndən yeni açdığı şirkət üçün loqo istəyir. Bu zaman mən ona istəyini daha detallı təsvir edə biləcəyi brif sənədi göndərirəm, hansı ki, həmin sənədin içərisində loqonun tipi, rəngi, ötürdüyü mesaj, şirkətin fəaliyyəti, və s. bu kimi suallar yer alır. Müştəri bu suallara detallı cavab verir və sənədi geri göndərir. Beləliklə, dizayner müştərinin nə istədiyini daha yaxşı başa düşür və ona uyğun loqo hazırlayıb, üzərində gərəyindən çox dəyişiklik etməyə ehtiyac qalmadan tez bir zamanda işi təhvil verə bilir.