1. jan van eyck-in 1434-cü ildə pano üzərinə yağlı boya texnikası ilə çəkdiyi rəsm. simvolikası ilə diqqətimi çəkən əsərdir. bəzi maraqlı məqamlar:
arnolfini rəsmdə əlini qaldırmış şəkildə təsvir olunub, nigahın qıyıldığı sırada and verdiği düşünülür.
cütlüyün orta-üst tacir sinifinə aid olduğunu adamın göstərişli papağı, paltarının bahalı materialından, xanımının baş örtüsündəki krujeva detalından bilinməkdədir (+ arnolfininin sol yanındakı sandığın ve pəncərənin kənarında duran portağallar o dönəmin şimal avropasında "kralların meyvəsi" olaraq adlandırılırdı). yerdəki şərq işi xalçadan arnolfininin ticarətlə məşğul olduğunu göstərir. rəsmdəki it də bir başqa zənginlik göstəricisidir (+ it = sədaqətlik).

xanım otaqda çarpayının yanında dayanır, ev sədaqəti simvolu olaraq qəbul edilir. kiçik yumru medalyonlarda isa məsihin ehtirası təsvirləri var. çilçıraqdakı tək yanan şam tanrının varlığını vurğulayır.

güzgünün bir az yuxarısında latın dilində "1434-cü ildə iohannes van Eyk burada idi" yazısı var. Güzgüdə əks olunan bəy və gəlindən başqa birbaşa qarşılarında 2 fərqli insan var. Qırmızı və göy paltar geyinmişlər, onlar şahid sayılırlar. imzaya əsasən, şahidlərdən birinin van Eykin özü olduğu ehtimal edilir.

https://i.imgur.com/zpVBELx.jpg