...

hitman 2 silent assassin

| oyun

facebook twitter əjdaha lazımdı   googllalink
sözlük yazarlarının kompüterindəki oyunlar

    1. hitman 2: silent assassin, hitman franşizasının 2002-ci ildə çıxmış növbəti oyunudur. bu oyunla birlikdə franşiza konsollara da çıxmağa başlayıb. daniyalı kompozitor jesper kyd bu oyunda da atmosferə uyğun musiqiləri ilə oyunu daha da gözəlləşdirib. həmçinin, çox oyunçu franşizanın ən çətin missiyalarının bu oyunda olduğunu düşünür.
    hekayə: (spoiler!)
    ilk oyundakı hadisələrin üzərindən 2 il keçib. agent 47 uzun müddətdir ortalıqda görünmür. 47-in yaradıldığı laboratoriyaya gələn 2 nəfər onun haqqında danışırlar. onlardan biri hər kəsin ölmüş bildiyi 47-in yaşadığına əmindir və məqsədi onu tapıb sui-qəsdçiliyə geri qaytarmaqdır.
    sonrakı səhnədə agent 47-in ilk oyundan sonra 2 ildir siciliyada yaşadığını görürük. özünü keçmişinə görə çox günahkar hiss edən 47, burada bir kilsədə bağban kimi işləməkdədir. bir gün kilsənin rahibi otets vittorio-a keçmişi haqqında danışır və tanrının onu heç vaxt bağışlamayacağını düşündüyünü deyir. otets vittorio isə 47-ə ümidini itirməməsini, tanrının bağışlayan olduğunu deyir. elə həmin gün vittorio siciliya mafiya babası cuzeppe culyaninin adamları tərəfindən qaçırılır və 47-dən 500 min dollar pul (fidye) istənilir. bu qədər pulu olmadığını bilən 47, rahibi xilas etmək üçün keçmiş informatoru diana ilə yenidən əlaqə qurur. diana isə rahibin yerini tapmağın müqabilində 47-dən müəyyən tapşırıqları yerinə yetirməsini istəyir.
    ilk missiyasında culyanini öldürən 47, rahibi onun osobnyakında tapa bilmir və rahibin ruslar tərəfindən qaçırıldığını öyrənir. daha sonra isə rusiya, yaponiya, malayziya, əfqanıstan və hindistanda ona verilən tapşırıqları uğurla yerinə yetirir. hindistandakı son tapşırığında müəmmalı bir adamın hücumuna məruz qalır. daha sonra diana 47-ə rahibi serqey zavorotko adlı rus mafiya babasının qaçırdığını, oyun boyu gələn tapşırıqları da serqeyin sifariş etdiyini öyrəndiklərini deyir. hindistanda 47-ə hücum edən şəxs isə başqa bir klon olan agent 17 imiş.
    yenidən sankt-peterburqa yollanan 47, burada serqeyi tapa bilməsə də, agent 17-i öldürür. serqeyin isə rahib ilə birlikdə siciliyada işlədiyi kilsədə olduğu öyrənir. kilsəyə yollana 47, burada serqeyi və bütün adamlarını öldürüb, otets vittorionu xilas edir. vittorio 47-dən bu işləri atmasını istəyir. 47 isə heç vaxt bu günahı təmizləyə bilməyəcəyini deyərək vittorio ilə vidalaşır və silahlarını ("silverballer" tapançaları) da götürüb kilsəni tərk edir.


üzv ol


...