...

hitman blood money

| oyun

facebook twitter əjdaha lazımdı   googllalink
zəif kompüterdə oynanıla biləcək oyunlar - əfsanəvi oyunlar - sözlük yazarlarının kompüterindəki oyunlar - filmlərdən daha yaxşı olan oyunlar

    1. hitman: blood money, hitman franşizasının 2006-cı ildə çıxmış növbəti oyunudur. oyunda qrafika və gameplay mexanikaları yenilənib və daha yaxşı hala gətirilib. musiqilər yenə də çox yaxşıdır. franşizanın ən bəyənilən oyunudur. eyni zamanda, mənim də ən sevdiyim hitman oyunudur. həmçinin oyun hədəflərə daha fərqli yollarla sui-qəsd etmək imkanı verir (digər oyunlarda da bu var. amma blood money bu baxımdan daha zəngindir).
    hekayə: (spoiler!)
    jurnalist rick henderson keçmiş fbr prezidenti alexander cayne-dən müsahibə almaq məqsədilə onun malikanəsinə gəlir. yaxın vaxtlarda ağ evə hücum olub və prezidentə sui-qəsd cəhdi edilib. cayne, müsahibənin əvvəlində bu işlərin arxasında agent 47-in olduğunu deyir. rick əvvəlcə şok olur, çünki belə birinin yaşayıb-yaşamadığını heç kim bilmir. 47 bütün sui-qəsdlərini peşəkarlıqla icra etdiyi üçün arxada heç bir iz qalmır. cayne jurnalistə bütün olanları ən başdan nəql etməyə başlayır. cayne, 47-in keçmişi haqqında bütün məlumatları əldə edib və bunları rick-ə də danışır. amma təbii ki bəzi qisimləri də təhrif edir. prezidentə sui-qəsd edilməsində əsas məqsəd isə onun klonlama işlərini qanuniləşdirmək istəməsi idi. yaradılacaq klonlar isə orduda istifadə ediləcəkdi. buna qarşı olan qüvvələr prezidenti öldürməyə çalışsalar da 47 onların planlarını pozur və prezidenti xilas edir. bütün bunlar baş verərkən isə ica artan təzyiqlər nəticəsində fəaliyyətini dayandırır. cayne-in 47-i tapması isə an məsələsidir. bunları bilən diana bir plan qurur. 47-ə keyidici iynə vurur və onu ölmüş kimi təqdim edir. cayne, 47 üçün cənazə mərasimi hazırlayır. rick burada ilk dəfə 47-i görür və onun həqiqətən mövcud olduğunu öyrənir. mərasim başlamazdan əvvəl diana gəlib 47-in sinəsinə silahlarını qoyur. daha sonra dodağına oyadıcı maddə olan pomada sürtüb, 47-i öpür və oradan gedir. cayne, 47-i yandırmaq niyyətindədir. çünki 47, gəlmiş keçmiş ən yaxşı klondur və əgər meyidi yandırılsa bir daha yeni klonlar yaratmaq mümkün olmayacaq. diananın planı işə yarayır. maddənin təsirilə 47 oyanır və içəridəki hər kəsi güllələyir. beləliklə, onun varlığını və kimliyini bilən heç kim sağ qalmır. bu hadisədən bir müddət sonra diana ica-i bərpa edir. yenə ortalıqdan itən və harada olduğu bilinməyən 47 isə son səhnədə yeni bir iş üçün bir kitay restoranına girərkən görünür.
    önəmli qeyd: oyunun paris missiyasında (3-cü missiya) 47 hədəflərini öldürüb məkanı tərk edir. axşam saatlarında paris küçələrində gəzərkən silahlı biri tərəfindən təqib edilir. bu şəxs, onu biraz sonra yaralayacaq inspektor albert fournier-dir. bu səhnədən sonra isə hitman contracts başlayır. 47 parisi tərk edib, abş-a qayıtdıqdan sonra isə blood money hekayəsi xronoloji olaraq qaldığı yerdən davam edir.


üzv ol


...