...

hitman absolution

| oyun

facebook twitter əjdaha lazımdı   googllalink
zəif kompüterdə oynanıla biləcək oyunlar - sözlük yazarlarının kompüterindəki oyunlar - hitman - pulsuz oyun fürsətləri

    1. hitman franşizasının 2012-ci ildə çıxmış növbəti oyunudur. qrafikası 2012 oyunu üçün hələ də olduqca yaxşıdır. bu oyunda hekayə tərəfi daha da ön plana çıxarılıb. agent 47-in insani yönünə də diqqət çəkilib. musiqilər isə əvvəlki oyunlarla müqayisədə zəifdir. çünki jesper kyd bu proyektdə iştirak etməyib. ancaq musiqilərə tamamilə pis demək də olmaz. oyunla bağlı səsləndirilən ən böyük tənqid isə oyunun action-a döndüyü, demək olar gizliliyin olmadığı idi. amma bu iddia tamamilə əsassızdır. çünki bütün hitman oyunları oyunçuya "taktik-maktik yok, bam bam bam" modunda oynamağa da icazə verir. ancaq belə oynadıqda oyundan alınan zövq azalır. absolution da özündən əvvəkilər qədər "hitman" oyunudur. bu mənasız arqumentə qurban getdiyi üçün dəyəri bilinməmiş oyundur. özündən sonra çıxan reboot hitman oyunlarını gördükdən sonra bu oyunun dəyərini daha çox anladım.
    hekayə: (spoiler!)
    hadisələr chicago-da baş verir. diana ica ilə bağlı bütün məlumatları ifşa edir və aradan çıxır. təşkilatın yeni rəhbəri benjamin travis diananı xain elan edir və ölüm fərmanını verir. onu öldürmə tapşırığı isə təbii ki agent 47-ə verilir. diananın malikanəsinə gizlicə girən 47, diananı duş aldığı vaxt vurur. amma öldürmür, sadəcə yaralayır. diana 47-ə çox önəmli bir missiya verir. 47 bundan sonra təşkilatın axtardığı viktoriya adlı qızı qorumalıdır. qızı götürən 47, təşkilat ilə əlaqəsini kəsir və travis 47-i də xain elan edir. 47, viktoriyanı ən etibarlı yer hesab etdiyi bir priyuta gətirir və qızı müşayiət etmək üçün yaxınlıqda özünə bir ev tutur. daha sonra keçmiş ica üzvü olan "ptiçka" ləqəbli bir adamla viktoriya haqqında daha ətraflı məlumat əldə etmək üçün görüşür. ptiçka əvvəlcə 47-dən onun üçün bir iş görməsini istəyir. 47 razılaşır və ptiçka üçün "chinatown kralı" adlandırılan bir nəfərə sui-qəsd edir. ptiçka, blake dexter adlı bir iş adamının da viktoriyanı axtardığını deyir. dexter "terminus" otelindədir. oraya yollanan 47 əvvəlcə dexter-in cüssəli oxranası sanchez-i boğma ipi ilə öldürməyə çalışsa da, ona güc gələ bilmir. huşunu itirmiş 47-i görən dexter, bir plana əl atır. içəri girən xidmətçini bıçaqlayıb, bıçağı da 47-in əlinə qoyur (onu cinayətkar kimi göstərmək üçün). daha sonra isə pojar çıxarıb, oxranası sanchez və katibəsi layla ilə oteli tərk edir. "silverballer" tapançalarını da itirən 47, oyandıqda otelin yandığını və chicago polisinin də əraziyə gəldiyini görür. uzun qaçışdan sonra metroya minib aradan çıxır. ptiçka 47-i bu dəfə dexter ilə bağlantısı olan dom osmond adlı birini öldürməyə göndərir. özü isə satqınlıq edir. dexter, viktoriyanın yerini öyrənir və onu gətirmək üçün wade adlı birini göndərir. 47 wade-i öldürsə də, viktoriyanı bu dəfə dexter-in oğlu lenny qaçırır. daha sonra lenny-in yerini öyrənən 47, onu tapmaq üçün cənubi dakotaya yollanır.
    dakotaya gəldikdən sonra 47, lenny-in adamlarını öldürür və özünü də qaçırıb viktoriyanın yerini öyrənmək üçün bir çöllüyə gətirir. lenny, qızın sanchez-in yanında olduğunu deyir. məlumatı alan 47 lenny-i çöllükdə ölümə tərk edib, maşını ilə oradan uzaqlaşır. sanchez-dən əvvəl 47 ptiçkanın yönləndirməsi ilə bir silah dükanına gəlir. 47-in "silverballer" tapançaları bu dükandadır. ancaq bu silahlar satılmır. onları əldə etmək üçün poliqonda bir yarışa girib, qalib gəlmək lazımdır. yarışı udan 47, silahlarını götürüb dükanı tərk edir. sanchez isə bir döyüş klubundadır. 47, sanchez-in növbəti rəqibi olaraq rinqə çıxır və ondan qızın yerini soruşur. sanchez qızın şerif skurky-in yanında olduğunu deyir. daha sonra 47 sanchez-in boynunu qırıb öldürür. biraz dincəlmək üçün bir motelə gələn 47, bu dəfə də "müqəddəslər" adlı rahibə qrupunun hücumuna məruz qalır. ancaq onların da öhdəsindən gəlir. bu dəfə şerifi tapmaq üçün məhkəmə binasına gələn 47-i şerif tələyə salıb tutur. ancaq 47 qaçmağa nail olur. bu sırada ica əraziyə basqın edir. 47 şerifi bir kilsədə tapır və hər kəsin gözü qarşısında vurub yaralayır. şerif son nəfəsində dexter və viktoriyanın chicago-da, "blackwater park" otelində olduğunu deyir.
    şerifdən məlumatı alan 47, chicago-ya qayıdır və sözügedən otelə daxil olur. burada əvvəlcə dexter-in katibəsi layla-ı öldürür. dexter və viktoriya isə yaxınlıqdaki bir vertolyot uçuş zonasındadırlar. dexter və travisin viktoriyanı istəmə səbəbi isə onun 47-dən daha güclü və bacarıqlı bir klon olmasıdır. 47 dexter-i də öldürüb, qızı xilas edir. geriyə sadəcə travis qalır.
    aradan bir neçə ay keçir. travis, 47-in diananı öldürmədiyindən şübhələnir. əmin olmaq üçün diananın ingiltərədəki qəbrini açdırmağa qərar verir. oraya gələn 47 əvvəlcə travisin sağ əli olan jade-i və digər 3 önəmli adamını öldürür. daha sonra travisin olduğu yerin qapısına bomba qoyub partladır. yaralanan travis 47-dən diananı həqiqətən öldürüb-öldürmədiyini soruşur. 47 isə "bunu heç vaxt bilməyəcəksən" deyib, travisi öldürür.
    növbəti səhnədə diananın sağ olduğunu, viktoriyanın da onun himayəsində sakit və təhlükəsiz həyat sürdüyünü görürük. uzaq bir nöqtədə isə 47 onları bir sniper tüfəngi ilə müşayiət edir.
    ending credits bitdikdən sonra son bir səhnə gəlir. chicago polisi hələ də 47-i axtarır amma tapa bilmir. 47-in görünüşünü də heç kim dəqiq bilmədiyi üçün işləri daha da çətinləşir. 47-i axtaran detektivin otağına gələn ptiçka müəyyən bir ödəniş müqabilində 47-i tapmalarına kömək edə biləcəyini bildirir. detektivin kabinetinin qapısının bağlanması ilə oyun başa çatır.
    qeyd: oyun əslində davamı gələcək formada bitir. ancaq istehsalçılar "bo osl hotmon oyono doyol" kimi yersiz və məntiqsiz tənqidlər ucbatından olacaq ki bu oyunun davamını gətirmədi. heç gələcək kimi də görünmür. bundan sonra isə hitman franşizası reboot edildi və ortaya düz-əməlli bir hekayəsi olmayan, ancaq hədəfi 647264286 fərqli yolla öldürməkdən ibarət olan 3 oyun çıxdı. bu oyunların da nə qədər pis olduğu başqa bir entry-in mövzusudur.


üzv ol


...