...

sniper elite v2

| oyun

facebook twitter əjdaha lazımdı   googllalink


    1. rebellion studiyası tərəfindən 2012-ci ildə istehsal olunmuş oyun. sektorda az sayda olan sniper oyunları arasında ən çox diqqət çəkənlərdən biridir. oyunun ən məşhur mexanikası isə sniper tüfəngi ilə uzaq məsafədən atəş açdıqda x-ray kamerası ilə güllənin hədəfin vurulan nahiyəsinə necə dəydiyini göstərməsidir. oyunla bağlı ən sevmədiyim nöqtə franşizanın digər oyunlarına görə gizliliyin daha zəif olmasıdır. müəyyən yerlərdə oyun demək olar call of duty-ə bağlaya bilir. süni intellekt də çox yaxşı deyil. amma bunun xaricində oyunu yaxşı hesab etmək olar. oyun 2019-cu ildə remaster edilərək pc və yeni nəsil (artıq köhnə ehehe) konsollara da çıxarılıb.

    - hekayə - spoiler!
    nasist almaniyası ikinci dünya müharibəsinin sonlarında v2 raketlərindən istifadə edərək london, paris və antverpen şəhərlərini bombalayır. raket üzərində işləyən alimlərin bir çoxu isə berlindən qaçmağa çalışırlar. alman əsilli amerikalı snayper karl fairburne berlinə göndərilir. tapşırıq v2 raketlərini araşdırmaq, alimlərin şəhərdən çıxa bilməsinə şərait yaratmaq və ən önəmlisi v2 kodlarının sovet ordusunun əlinə keçməsinə imkan verməməkdir.
    karl, proyektdə iştirak etmiş efram schweiger adlı bir alimi axtarır. onun "mittelwerk" zavodundakı ofisinə gəldikdə özünü tapa bilməsə də, önəmli bir məlumat alır. efram, berlinin amerikan ordusunun nəzarətindəkinə hissəsinə qaçmağa çalışarkən tutulub və səhər opernplatzda edam ediləcək. karl kaiser friedrich muzeyi ətrafında həm alman, həm də sovet əsgərlərini dəf etdikdən sonra opernplatza gəlir. burada eframı edamdan xilas edir və daha sonra yenə onu öldürməyə çalışan əsgərlərdən qoruyur. ancaq efram karlın yanına çatdıqda ağır yaralanır. onu bu dəfə də sovet əsgərlərindən qoruyan karl, sonra sorğu-sual edir. efram "tabun" adlı bir şeydən bəhs edir. ancaq daha ətraflı danışa bilmədən ölür. araşdırmaya davam edən fairburne, nəhayət, bir sıra yeni məlumatlar əldə edir. wolff adlı bir alman alimi sovetlərlə işbirliyi edir. "tabun" adlı zəhərli qazla dolu bir v2 raketini londona atmağı və bunu da almaniyanın növbəti planı kimi qələmə verməyi planlaşdırır. amma raketin yeri hələ məlum deyil. bunu öyrənmək üçün wolffun berlinin kreuzberg zonasında yerləşən ofisinə gələn fairburne əvvəlcə bir şey tapa bilmir. çünki almanlar, soyuzniklərin əlinə keçməsin deyə bütün önəmli dokumentləri yandırırlar. ancaq karl qəfildən yanmaq üzrə olan bir xəritə tapır. bu xəritədə raketin berlinin kənarındakı köpenick zonasından buraxılacağı qeyd olunub. bunu da öyrənən karl həmin zonaya gedib raketi məhv edir. geriyə wolffu öldürmək qalır. wolff, onu gözləyən təyyarə ilə moskvaya qaçmağı planlaşdırır. ancaq karl wolffu öldürərək bu planı da pozur.
    oyun karlın monoloqu ilə bitir. monoloqda bu hadisələrdən bir gün sonra, yəni 9 may tarixində almaniyanın təslim olması ilə avropada müharibənin başa çatdığı qeyd olunur. ancaq bu müharibənin sonu, yenisinin başlanğıcı idi: soyuq müharibə. və karl bu yeni müharibənin ilk əsgəri olduğunu qeyd edir.


üzv ol


...