1. the black album-dan bir metallica şahəsəri. yarı-oriental xoş bir sound-u var. mahnının baş qəhrəmanı konkret yaşayış yeri olmayan bir səyyahdır. səyyah, gəzdiyi hər yeri evi olaraq gördüyünü dilə gətirir, sabit işə məhkum monoton həyatı sevmədiyini bildirir. tam olaraq nomad kimi yaşamağı düşünməsəm də, müxtəlif yerləri gəzmək, həyatı azad və rəngli yaşamaq istəyən biri olaraq, olduqca mənalı bir mahnıdır. bu mahnı james hetfield-in sadəcə yaxşı musiqiçi yox, həm də yaxşı söz yazarı olduğunu göstərir.
bu mahnının ortaya çıxmasına qrupun həyat tərzi də təsir edib. bildiyimiz kimi, “metallica” hər il dünyanın müxtəlif nöqtələrində konsert verir. amerikanın çox uzaq olduğunu nəzərə alsaq, saatlarla səyahət etmək qrup üzvlərini çox yorur. bir gün kirk hammett gəlib james-ə deyir ki, “1 ilə yaxındır yeni ev almışam. ancaq turlar ucbatından bu vaxtacan içinə girib düz-əməlli otura bilməmişəm”. james həm də bu sözlərdən ilhamlanır və bu mahnı ərsəyə gəlir.