1. 2008-ci il istehsalı oyun. Əvvəlcə playstation portable və daha sonra playstation 3 üçün çıxıb. Əl konsolu oyunu olduğu üçün, idarəetmə sistemi də buna uyğun tənzimlənib. Oyunu santa monica deyil, ready at dawn studiyası hazırlayıb. Ən çox satılmış psp oyunlarından biridir. yüksək qiymətləndirilib və bir çox mükafat alıb.
gameplay: oyun yenə standart god of war gameplay sistemini ehtiva edir. Xaos qılınclarından əlavə, irəlidə zevsin əlcəyini də istifadə etmək olur.
hekayə: bu bir yan oyundur və hekayə qısadır (3-4 saata bitirmək olar). Hekayə yenə ilk oyunun öncəsini ələ alır. Oyun, xronoloji olaraq god of war: ascension-dan sonra gəlir.
Kratos, 10 ilə yaxındır ki, günahlarının bağışlanması üçün tanrılara xidmət edir. Oyunun başlanğıcında bir yunan şəhərinə hücum etmiş fars qüvvələrinə qarşı döyüşdə iştirak edir, fars kralını və onun şəhəri işğal etmək üçün gətirdiyi basilisk adlı nəhəng bədheybəti öldürür. Şəhəri tərk etdikdən sonra isə hava anidən qaralır. Kratos bir işıq görür və ona tərəf qaçmağa başlayır. Gəlib çatdığı yer isə günəş tanrısı heliosun məbədidir. afina hər şeyi kratosa açıqlayır. Belə ki, helios naməlum qüvvələr tərəfindən qaçırıldığı üçün dünya sonsuz qaranlığa qərq olub və digər tanrılar da dərin yuxuya gediblər. Tanrıların əmrlərindən bezmiş kratos əvvəlcə qəbul etməsə də, sonra razılaşır. indi bu sonsuz qaranlığı aradan qaldırmaq üçün kratos heliosu tapmalıdır.