+13 əjdaha
1. dünyada görüb görüləcək ən gözəl şəhərlərdəndir. getməmişdən mənim üçün çox böyük xülyadan ibarət idi, hansı ki gördükdən sonra öz ehtirasını itirər deyə düşünürdüm, ancaq elə olmadı. ona qədər arzulayıb gördüyüm şəhərlərin çoxu öz dəyərlərini gözümdə itirmişdi. ancaq san fran həqiqətən başqadır. düşündüyümdən çox daha fərqli və gözəl imiş. həqiqətəndə amerika və dünyadakı azadlıqların ən pik həddə olduğu şəhərlərdən biridir ona söz yox, küçələr hippi qaynayır, ancaq bunun gətirdiyi xüsusiyyətlərdən biri də küçələrin narkotik istifadəçiləri, evsizlərlə qaynamasıdır. təhlükəli olan eroin, crack istifadəçiləridir. lcd, marixuana, cocaine istifadəçiləri hər yerdəki kimi orda da səviyyəli narkomanlardır. ancaq küçələr qolları yara izi ilə dolu eroinmanlarla doludur, düzdür onun da bölgəsi var, onların bölgəsinə girib girməmək sizə qalıb. bu xüsusiyyətin ən pis tərəfi yəqin ki qəsbçilik və oğruluqlardır. evsiz və eroinmanlar narkotik almaq üçün qabağınızı kəsə bilər. məsələn biz. park etdiyimiz maşınımızı 2-3 saatlıq gəzintidən sonra geri dönərkən pəncərəsi sındırılmış və içindəki bütün əşyalarımız oğurlanmış halda tapdıq, yanımızda san franciscodan olan heç kim təəccüblənmədi, normal haldır dedilər, siz əşyalarınızı maşında niyə buraxırsınız ki dedilər. siğorta şirkətinə zərər üçün zəng etdiyimiz də bugünkü 5ci pəncərəsi qırılıb əşyaları oğurlanan müştəriləri olduğumuzu dedilər. normaldır yəni. san franciscoya xoş gəlmisiniz.bəsdir deyindik.
golden gate nəfəsinizi tutacaq qədər möhtəşəm gözəlliyə sahibdir. üstü çox vaxt dumanlı olur. san franın özü çox vaxt dumanlı olur onsuz. bir növ yaz havası, yağışlı yaz havası. soyuq-isti. möhtəşəm gözəlliyə sahib golden gatedən başınızı yana çevirib o gözəlliyin içində həbs olmuş alcatraz həbsxanasını görə bilərsiniz. adam heyrətə gəlir, belə gözəllikdə bir mühitin ortasında həbsxanada məhbussunuz. çıxıb görə belə bilmərsiniz.
san fran mövqe olaraq hər yerə çox uzaqda yerləşir. azərbaycanla saat fərqi 12 saatdır. tam əks istiqamətdə yəni. 180 dərəcə. solunda sonsuz böyüklükdə sakit okeanı yerləşir hansı ki onu keçib asiyaya çatmaq üçün uçuş müddəti təxminən 12-16 saatdır. və ya əks istiqamətdə avropaya da həmçinin o qədər uçmalısınız. east coastla məsafəsi də təxminən 5-6 saatdır. yuxarısında kanada buzluqları. aşağısındakı böyük şəhər olan los angelesə maşınla məsafə 6-7 saat. hər yerə uzaqdır yəni. niyə deyirəm bunları? çünki o yalnızdır. o qədər gözəldir ki, ancaq yalnızdır da. o gözəlliyi istəyirsinizsə, onun yalnızlığını da bölüşməyə razı olmalısınız. dəyərmi? bilmirəm. ömrümün sonunadək yaşaya bilərəmmi bilmirəm. heç vaxt hansısa şəhər ya ölkədə ömrümün sonuna qədər yaşamağı düşünməmişəm, san franın gözəlliyi uğruna orda sonadək yaşamağa dəyərmi bilmirəm. bildiyim tək şey var, o da, şəhərləri qadınlara bənzətsək əgər, ömrünün sonuna qədər sadəcə bir qadınla yaşamağı/bir şəhərdə yaşamağı sevməyən mənim kimilər üçün, həyatının hansısa qısa sayılmayacaq bir müddətində mütləq yaşaması lazım olan qadınalardan/şəhərlərdəndir. o qədər yaşamalısınız ki onunla, bezəsiniz. ən hündür təpəsində oturub dənizlə qol-qola, iç-içə girib qucaqlaşmış yarımadalar və adaları izləyib düşünürdüm; bezmək mümkündürmü? san franla yeni tanışan bizlərə bu qədər möhtəşəm hisslər yaşadan bu şəhər, orda yaşayanlara da hər gün o əvəzolunmaz hissi verirmi? bilmirəm. yəqinki sonsuz deyil. bir nöqtədə bezərsən, eynilə bir qadınla olan birlikdəliyin kimi. dünyada hansısa şəhərdən/qadından bezməyib ömür sonuna qədər yaşanılabilinəcəyini sanmıram. havası o qədər mülayimdir ki, yağış sonrası qoxan torpaq kimi gözəl hisslər bağışlayır. şəhərə uzaqdan baxanda bəzən binaların yarısından yuxarısı görünmür. duman içində olur. san fran, amerikanın əlindəki ən dəyərli cəmiyyət/şəhərdir məncə. ümumiyyətlə california ştatı da. onları çıxsanız amerika radikal, qatı, conservativ və sevimsiz insanların yaşadığı bir ölkəyə çevrilə bilər.
sistemi sevməyən bütün gözəl insanlar sanki hər şeyi siktir edib californiaya, san franciscoya qaçıb. qaldığımız oteldə gecə oturub içirdik, hansı ki içməyi çoxdan buraxmışam və qətiyyən sevmirəm artıq. hələ vodka, tekila kimi yüksək faizli içkiləri heç sevmirəm. pivəni içkidən saymıram və o candır o ayrı. viski bəzən. oturub içirik, ot tapa bilmədiyimiz üçün. axır bezib balkona çıxdıq mən və liza adlı bir ukraynalı qız. siqareti yandırıb o nəm havanı ciyərlərimizə çəkdirk. yuxarıdan hippi görünümlü saç-saqqal rasta tipli iki nəfər salam verdi, biz də verdik. çəkirdilər. bizə verə biləcəyiniz nəyinizsə varmı deyə soruşduq, əlindəki çəkdiyi sarmanı tulladı qaqaş yuxarıdan bizim balkona. ac it sümüyə cuman kimi cumub götürdük, bir də gördük 5-6 nəfər hippimi deyim üst başından openmindlıq axan uşaqlarmı deyim, düşdü gəldi aşağı, biri iki ovucunu birləşmiş formada uzadıb içi dolu otla -buyur- dedi, sanki dirilik suyu gətirib san francisco peyğəmbəri. san franciscoya xoş gəlmisiniz deyir sanki. gecənin irəliləyən saatlarında adam danışır, özü əkir bəxtəvər. legal əkir. həyatımızdakı ən gözəl sativa idi, san francisco sativası. deyilənə görə californianın şimalı, san franlılar sativa sevirlər, los angelesdə isə indica.
gecələri bir ayrı gözəldir san franın, istər görünüş olsun istər ruhu. hippi inqilablarının qoxusu hələ də küçələrindədir sanki. lgbtlilər, hippilər, graffitilər ayrı bir rəng qatırlar küçələrə. massacuest ştatının, bostonun o qatı, ciddi insanlarından qurtulub californianın gözəl insanları arasında olmaq ayrı bir rahatlıq verirdi bizə orda olduğumuz müddətxə, heç kim geri dönmək istəmirdi, təyyarəyə minməyə hazırlaşanda hamı "ala azərbaycana qayıdırıq elə bil deyirdi". qərbi amerikadan, şərqi amerikaya qayıdarkən.
bir gün yolunuz düşsə, san francisco otuyla keflənib, golden gate ilə söhbət etmədən qayıtmayın deyərəm.
növbəti səfərə görüşmək ümidi ilə san fran.