...

hatuey

| tarix

facebook twitter əjdaha lazımdı   googllalink


    1. 1478-1512-ci illərdə yaşamış qəbilə rəhbəri. 1511-ci ildə ispan komandir diego velazquez qoşunları ilə kubanı ələ keçirmək üçün gələndə hatuey, adanın yerli xalqı olan tainolara xəbərdarlıq edir. qızıl və almazla dolu bir səbət göstərir və ispanların yaydığı xristianlıq haqqında belə deyir: “ispanların ibadət etdiyi tanrı əslində budur. bunun üçün döyüşürlər və öldürürlər. bunun üçün bizə zülm edirlər. bu tiranlar bizə sülh və bərabərliyi əmr edən bir tanrıya inandıqlarını deyirlər, ancaq torpaqlarımızı işğal edib bizi kölələşdirirlər. bizə ölümdən sonrakı həyatdan, cənnət və cəhənnəmdən danışırlar, ancaq mallarımızı oğurlayır və qadınlarımıza təcavüz edirlər. bizim hünərimizin yanından belə keçə bilməyən bu qorxaqlar, silahlarımızın qıra bilmədiyi dəmir zirehlərin arxasında gizlənirlər”.
    ancaq təkcə kiçik bir qrup hatueyin xəbərdarlığını anlayır və ona qoşulur. sayca az olduqları üçün də partizan taktikalarına əl atırlar. bir müddət müqavimət göstərib, çox sayda işğalçını öldürürlər. amma yerlilərdən bir neçəsi uzunmüddətli işgəncələrdən sonra danışır və hatuey ələ keçirilir.
    1512-ci ildə diri-diri yandırılaraq edam olunur. edamdan əvvəl bir rahib, hatueydən xristianlığı qəbul edib-etməyəcəyini soruşur. hatuey isə ispanların cənnətə gedib-getməyəcəyini soruşur və rahib “hə” deyir. hatuey cavab verir: “ispanlarla və özləri kimi canilərlə bir cənnətdə olmaqdansa, cəhənnəmi üstün tuturam”.
    hatueyin adı kubanın camagüey əyalətindəki bir şəhərə, 1927-ci ildən bəri istehsal edilən bir pivə markasına və maltada istehsal edilən alkoqolsuz bir içkiyə verilib. kuba puro markası olan cohiba-ın loqosunda təsviri yer alır. bundan başqa, 2010 istehsalı even in the rain filmində də görünür.


üzv ol


...