1. əksinqilab (frans. contre-révolution) — cəmiyyətdə yetişən inqilabi əhval-ruhiyyənin boğulmasına yönəlmiş və ya artıq baş vermiş inqilabdan sonra dövlətin formalaşan quruluşuna qarşı, inqilab nəticəsində formalaşan hakimiyyətə qarşı fəal mübarizəyə, köhnə quruluş uğrunda, hakimiyyəti əldə saxlamaq və yaxud (inqilab baş verdikdən sonra) hakimiyyəti geri qaytarmaq uğrunda fəal mübarizəyə deyilir. Əksinqilablar iki üsul və vasitəylə aparılır: ideoloji - milli, dini, ədalət heysiyyatına toxunmaqla təbliğat, uydurma, şantaj, böhtan, iftira və s., o cümlədən, inqilabın səhvlərindən istifədə etmə. bir də zorakılıq – hərbi müqavimət, vətəndaş müharibəsi, qiyam, sabotaj, diversiya, terror və, hətta xarici güc vasitələrdən istifadə etmə və s. yolu ilə aparılan. Mükəmməl hazırlanmış və aparılan əksinqilab öz qələbəsi ilə də nəticələnə bilər. Sosiologiya elmi “termidor qanunu”nu irəli sürərək “hər bir inqilab hökmən əksinqilaba gətirib çıxardır” tezisini irəli sürürdü.

mənbə:
1. Atakişiyev Bəxtiyar Sərhəd oğlu. inzibati hüquq vəterminlər. Bakı, 2008 - səh 133-134
2. wikipedia
3. britannica