1. dark souls-un əsas ssenarisinin ən son bossu. anor londo-da görünürlər. franşizanın ilk ikili bossudur. “əjdahakəsən ornstein” və “cəllad smough” olaraq bilinirlər. döyüş zamanı chosen undead-ə planlı bir şəkildə hücum edirlər. biri ilə döyüşdükdə, digəri ani zərbələrlə işi çətinləşdirir.
oyunun lore-a görə ornstein, lord gwyn-in 4 mühafizəçisindən biri və qrupun rəhbəridir. digərləri isə gough, ciaran və artoriasdır. bu qrup dağıldıqdan sonra ornstein, smough ilə birlikdə anor londoda taxt otağını qorumağa başlayır. şir maskalı bir dəbilqəsi var. silahları nizə və elektrikli sehrdir. olduqca çevikdir.
smough isə iri-yarı bir cəlladdır və silahı da çəkicdir. ağırlığına görə hərəkəti də yavaşdır. bəzən tullanaraq da zərbə endirir.
qeyd: ikilidən birinin işini bitirdikdə, digəri onun gücünü alır və daha da aqressiv bir şəkildə hücum edir.